വിവിധ ഇടവകകളിൽ നിന്നായി 200-ലധികം പ്രതിനിധികൾ പങ്കെടുത്ത സമ്മേളനത്തിൽ സിസ്റ്റർ ജസീന പി. ജോസഫ് ക്ലാസ്സുകൾക്ക് നേതൃത്വം നൽകി.
ദുബായ്, യുഎഇ — യുഎഇയിലെ സിഎസ്ഐ ഇടവകകളിലെ സ്ത്രീജനസഖ്യത്തിന്റെ 26-ാമത് വാർഷിക കോൺഫറൻസ് ദുബായ് സിഎസ്ഐ സ്ത്രീജനസഖ്യത്തിന്റെ ആഭിമുഖ്യത്തിൽ സംഘടിപ്പിച്ചു. വിവിധ ഇടവകകളിൽ നിന്നായി 200-ലധികം പ്രതിനിധികൾ സമ്മേളനത്തിൽ പങ്കെടുത്തു.
ദുബായ് സിഎസ്ഐ ഇടവക വികാരി റവ. അരുൺ ജി. ജോർജ് അധ്യക്ഷത വഹിച്ച ചടങ്ങിൽ, തിരുവല്ല ബഥേൽ ആശ്രമം അസിസ്റ്റന്റ് മദറും കെ.സി.സി (കേരള കൗൺസിൽ ഓഫ് ചർച്ചസ്) വൈസ് പ്രസിഡന്റുമായ സിസ്റ്റർ ജസീന പി. ജോസഫ് മുഖ്യപ്രഭാഷണവും ക്ലാസ്സുകളും നയിച്ചു. ‘മാറുന്ന ലോകത്തിൽ വിശ്വസ്തരായ്’ എന്ന വിഷയത്തെ ആസ്പദമാക്കിയായിരുന്നു ക്ലാസ്സുകൾ.
റവ. ജേക്കബ് ജോർജ്, റവ. ബിജു കുഞ്ഞുമ്മൻ, റവ. പ്രമോദ് ജോൺ, മോൾസി ജേക്കബ്, ആൻസി റേച്ചൽ മാത്യു, അന്നമ്മ പ്രമോദ് എന്നിവർ സമ്മേളനത്തിന് നേതൃത്വം നൽകി. ദുബായ് സിഎസ്ഐ സ്ത്രീജനസഖ്യ പ്രസിഡന്റ് റ്റിനു അരുൺ സ്വാഗതവും ജനറൽ കൺവീനർ മറിയാമ്മ തോമസ് നന്ദിയും രേഖപ്പെടുത്തി.
