ദുബൈ: ഗൾഫ് മേഖലയിലെ സ്വാധീന ശക്തികളായ പ്രമുഖരുടെ പട്ടികയിൽ 22 മലയാളികൾ ഇടം നേടി. വ്യവസായം, വിദ്യാഭ്യാസം, ആരോഗ്യം, റിയൽ എസ്റ്റേറ്റ്, റീട്ടെയിൽ തുടങ്ങിയ മേഖലകളിൽ ശ്രദ്ധേയ സംഭാവനകൾ നൽകിയ വ്യക്തികളാണ് പട്ടികയിൽ ഉൾപ്പെട്ടിരിക്കുന്നത്.
പട്ടികയിൽ ഇടം നേടിയവരിൽ എം.എ. യൂസഫലി, സണ്ണി വർക്കി, ആസാദ് മൂപ്പൻ, ഷംസീർ വയലിൽ, അദീബ് അഹമ്മദ്, പി.എൻ.സി. മേനോൻ, സുനിൽ ജോൺ, തുംബൈ മൊയ്തീൻ, ബിനോയ് കുര്യൻ, രവി പിള്ള, ശോഭ മേനോൻ, ഷം ലാൽ അഹമ്മദ്, അലീഷ മൂപ്പൻ, ദിനോ വർക്കി, സോഹൻ റോയ്, രമേഷ് രാമകൃഷ്ണൻ, ആഷിഷ് കോശി, രവി പി.എൻ.സി. മേനോൻ, ജോയ് ആലുക്കാസ്, കെ.പി. ബഷീർ, സിദീഖ് അഹമ്മദ്, ശരത് നായർ എന്നിവർ ഉൾപ്പെടുന്നു.
ഗൾഫ് രാജ്യങ്ങളിലെ സാമ്പത്തിക വളർച്ചയിലും തൊഴിൽ സൃഷ്ടിയിലും സാമൂഹിക ഉത്തരവാദിത്വ പ്രവർത്തനങ്ങളിലും മലയാളി സംരംഭകർ വലിയ പങ്ക് വഹിക്കുന്നതായി വിലയിരുത്തപ്പെടുന്നു. വിവിധ രാജ്യങ്ങളിൽ നിക്ഷേപവും വിപുലീകരണവും നടത്തി ആഗോള തലത്തിൽ സ്വാധീനം ചെലുത്തുന്നവരാണ് ഇവർ.
പ്രവാസ ലോകത്ത് മലയാളികളുടെ വളർച്ചയും നേട്ടങ്ങളും വീണ്ടും തെളിയിക്കുന്നതായാണ് പുതിയ പട്ടിക വിലയിരുത്തപ്പെടുന്നത്.
