ദുബൈ: യൂനിറ്റ്, സെക്ടർ, സോൺ ഘടകങ്ങളിലെ അനലൈസകൾക്ക് ശേഷം മെയ് 10നു ദുബായിൽ നടന്ന രിസാല സ്റ്റഡി സർക്കിൾ നാഷനൽ അനലൈസ സമസ്ത കേരള സെക്രട്ടറി പേരോട് അബ്ദുറഹ്മാൻ സഖാഫി ഉദ്ഘാടനം ചെയ്തു. വിശ്വാസങ്ങളിൽ ചാഞ്ചല്യമുണ്ടാവരുതെന്നും പൊതുപ്രവർത്തങ്ങളിൽ സജീവമായ ഇടപെടൽ ഉണ്ടാവണമെന്നും ഉൽഘാടന പ്രസംഗത്തിൽ ഉണർത്തി . 12 സോണുകളിൽ നിന്നുള്ള കൗൺസിലർമാരാണ് പങ്കെടുത്തത്.
ഗ്ലാൻസ്, സബ്‌മിഷൻ ഇൻസൈറ്റ്, ഔട്ട്റീച്ച്, ഇൻസ്പിറെക്സ് തുടങ്ങിയ വിവിധ സെഷനുകൾക്ക് ഗ്ലോബൽ ചെയർമാൻ ഫൈസൽ ബുഖാരി, സെക്രട്ടറിമാരായ മുസ്തഫ കൂടല്ലൂർ, മൻസൂർ ചുണ്ടൻപറ്റ, ജാഫർ കണ്ണപുരം, ഗ്ലോബൽ എക്സിക്യൂട്ടീവ് അംഗങ്ങളായ അഫ്സൽ, സഈദ് സഅദി, സിദ്ദീഖ് അസ്ഹരി പൊന്നാട് തുടങ്ങിയവർ നേതൃത്വം നൽകി.
സമാപന സെഷനിൽ എസ് എസ് എഫ് ഇന്ത്യ പ്രസിഡൻ്റ് സിപി ഉബൈദ് സഖാഫി, രിസാല സ്റ്റഡി സർക്കിൾ ഗ്ലോബൽ മുൻ ചെയർമാൻ സക്കരിയ ഷാമിൽ ഇർഫാനി പങ്കെടുത്തു. നാഷനൽ ചെയർമാൻ ജാബിർ സഖാഫി അധ്യക്ഷത വഹിച്ചു. ഹകീം സിദ്ദീഖി സ്വാഗതവും സിയാദ് രാമനാട്ടുകര നന്ദിയും പറഞ്ഞു.
