റിയാദ്: സൗദി ഹജ്ജ്, ഉംറ മന്ത്രാലയം ഹിജ്റ 1448 ഇസ്ലാമിക വർഷത്തേക്കുള്ള ഉംറ സീസൺ കലണ്ടർ പ്രഖ്യാപിച്ചു. ഇതനുസരിച്ച് പുതിയ ഉംറ വിസകൾ മേയ് 31 മുതൽ അനുവദിച്ചു തുടങ്ങും. വിദേശ തീർഥാടകർക്ക് സൗദിയിലേക്കുള്ള പ്രവേശനവും അതേദിവസം മുതൽ അനുവദിക്കുമെന്ന് മന്ത്രാലയം അറിയിച്ചു.
പുതിയ സീസണുമായി ബന്ധപ്പെട്ട പ്രധാന തീയതികളും നടപടിക്രമങ്ങളും മന്ത്രാലയം പുറത്തിറക്കിയ കലണ്ടറിൽ വിശദീകരിച്ചിട്ടുണ്ട്.
ഉംറ പെർമിറ്റ് ജൂൺ 1 മുതൽ
മക്കയിലേക്കുള്ള പ്രവേശനാനുമതിയും ഉംറ പെർമിറ്റും ജൂൺ 1 മുതൽ വീണ്ടും അനുവദിക്കും. നുസുക് ആപ്പ് വഴിയായിരിക്കും പെർമിറ്റ് വിതരണം.
പ്രധാന തീയതികൾ
ഉംറ വിസ അനുവദിക്കുന്ന അവസാന തീയതി: 2027 മാർച്ച് 9
ഉംറ തീർഥാടകർക്ക് സൗദിയിൽ പ്രവേശിക്കാനുള്ള അവസാന തീയതി: 2027 മാർച്ച് 23
രാജ്യം വിടാനുള്ള അവസാന തീയതി: 2027 ഏപ്രിൽ 7
അതേസമയം, ദുൽഹിജ്ജ മാസപ്പിറവി സ്ഥിരീകരിച്ചതോടെ മെയ് 27ന് ബലിപെരുന്നാളും മെയ് 26ന് അറഫാ ദിനവും ആഘോഷിക്കും.
