അബുദാബി: യുഎഇയിലെ മാധ്യമപ്രവർത്തകരെ അബുദാബി മലയാളി സമാജം ആദരിച്ചു. മലയാളി സമാജം ഓഡിറ്റോറിയത്തിൽ വെച്ച് സംഘടിപ്പിച്ച വിപുലമായ ചടങ്ങിലാണ് മാധ്യമരംഗത്തെ പ്രമുഖരായ റാഷിദ് പൂമാടം, സമീർ കല്ലറ, റസാഖ് ഒരുമനയൂർ, സഫറുള്ള പാലപ്പെട്ടി, പി.എം. അബ്ദുറഹ്മാൻ, എൻ.എം. അബൂബക്കർ എന്നിവരെ ആദരിച്ചത്.
സമാജം പ്രസിഡന്റ് സലീം ചിറക്കലിന്റെ അധ്യക്ഷതയിൽ നടന്ന ചടങ്ങിൽ ലുലു ഗ്രൂപ്പ് ഡയറക്ടർ ടി.പി. അബൂബക്കർ മുഖ്യാതിഥിയായിരുന്നു. സമാജം ഭാരവാഹികൾ, വനിതാ വിഭാഗം ഭാരവാഹികൾ, സാമൂഹിക-സാംസ്കാരിക രംഗങ്ങളിലെ പ്രമുഖർ, അഭ്യുദയകാംക്ഷികൾ തുടങ്ങിയവർ ചടങ്ങിൽ സംബന്ധിച്ചു.
മാധ്യമരംഗത്ത് ഇവർ നൽകി വരുന്ന വിലയേറിയ സംഭാവനകളെ ചടങ്ങിൽ പ്രകീർത്തിച്ചു.
