ദുബായ്: ദുബായ് കെ.എം.സി.സി തിരൂരങ്ങാടി മണ്ഡലം കമ്മിറ്റിയുടെ ആഭിമുഖ്യത്തിൽ ‘സ്നേഹദൂതിന്റെ വസന്തകാലം’ -എന്ന പേരിൽ പ്രവാചക പ്രകീർത്തന സദസ്സും മൗലീദ് സമ്മേളനവും സംഘടിപ്പിച്ചു. അബൂഹൈലിലെ ദുബായ് കെ.എം.സി.സി ഹാളിൽ നടന്ന പരിപാടിയിൽ നൗഫൽ വാഫി ഉൽബോധന പ്രസംഗം നടത്തി.
തിരൂരങ്ങാടി മണ്ഡലം കമ്മിറ്റി മതകാര്യ വിഭാഗം ചെയർമാൻ യാഹു ഹാജി തെന്നല അധ്യക്ഷത വഹിച്ചു. മണ്ഡലം കമ്മിറ്റി പ്രസിഡന്റ് വി.സി. സൈതലവി സംസാരിച്ചു.ദുബായ് കെ.എം.സി.സി സംസ്ഥാന കമ്മിറ്റി ഭാരവാഹികളായ കെ.പി.എ. സലാം, ആർ. സുക്കൂർ, പി.വി. നാസർ, ജില്ലാ സെക്രട്ടറി നൗഫൽ എ.പി. എന്നിവരും ജില്ലാ ഭാരവാഹികളായ ഒ.ടി. സലാം, മുജീബ് കോട്ടക്കൽ, കരീം കാലടി, സകീർ പാലത്തിങ്ങൽ, ഇബ്രാഹിം വട്ടങ്കുളം, ഹംസ ഹാജി മാട്ടുമ്മൽ എന്നിവരും ചടങ്ങിൽ സംബന്ധിച്ചു.
നബി പ്രകീർത്തന ഗാനങ്ങൾ കോർത്തിണക്കി -ടീം ദർവിഷ് അവതരിപ്പിച്ച മനോഹരമായ ഖവ്വാലിയും പരിപാടിയുടെ ഭാഗമായി അരങ്ങേറി. പ്രവാചക പ്രകീർത്തനങ്ങളാൽ സമ്പന്നമായ സദസ്സിന് ഖവ്വാലി കൂടുതൽ മിഴിവേകി.തിരൂരങ്ങാടി മണ്ഡലം കെ.എം.സി.സി ഭാരവാഹികളും പ്രവർത്തകരും പരിപാടികൾക്ക് നേതൃത്വം നൽകി.മണ്ഡലം കമ്മിറ്റി ജനറൽ സെക്രട്ടറി ജബ്ബാർ ക്ലാരി നന്ദി പറഞ്ഞു.
