പ്രശസ്ത കവിയും റേഡിയോ അവതാരകനുമായ ശ്രീ. കുഴൂർ വിൽസൺ ആണ് പുരസ്‌കാര ജേതാക്കളെ പ്രഖ്യാപിച്ചത്.
കഥാ വിഭാഗത്തിൽ ശ്രീ. ജഹാംഗീർ ഇളയേടത്ത് രചിച്ച “ആരുമല്ലാത്തവരും ആരോരുമല്ലാത്തവരും” എന്ന കഥയും, കവിതാ വിഭാഗത്തിൽ ശ്രീ. ഷിഹാബുദ്ധീൻ കുമ്പിടി രചിച്ച “ഫാത്തിമ മില്ല് ” എന്ന കവിതയുമാണ് പുരസ്‌കാരത്തിനായി തിരഞ്ഞെടുക്കപ്പെട്ടത്.
പുരസ്‌കാര പ്രഖ്യാപന ചടങ്ങിൽ UFK സെക്രട്ടറി ഷാക്കിർ, കസ്റ്റോഡിയൻ ഷമീറ, സാംസ്‌കാരിക വേദി ലീഡർ നസീർ ഒസ്മാൻ, പ്രശസ്ത ശിൽപി നിസാർ ഇബ്രാഹിം എന്നിവർ പങ്കെടുത്തു.
വിജയികൾക്കുള്ള പുരസ്‌കാരങ്ങൾ നവംബർ 7-ന് ഉച്ചതിരിഞ്ഞ് 2 മണിക്ക് ഷാർജ അന്താരാഷ്ട്ര പുസ്തകോത്സവത്തിലെ റൈറ്റേഴ്‌സ് ഫോറം, ഹാൾ നമ്പർ 7-ൽ സംഘടിപ്പിക്കുന്ന ചടങ്ങിൽ വിതരണം ചെയ്യും.
