തിരുവനന്തപുരം: മീഡിയ അക്കാദമി തയ്യാറാക്കിയ കേരളീയരായ പ്രവാസി മാധ്യമപ്രവർത്തകരുടെ ലഘുവിവരണമുള്ള പ്രവാസി മാധ്യമ ഡയറക്ടറി ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് സ്പെഷ്യൽ സെക്രട്ടറി T V Subhash പ്രകാശനം ചെയ്തു. ടൈംസ് ഓഫ് ഇന്ത്യയുടെ ചെന്നൈ റസിഡന്റ് എഡിറ്റർ Arun Ram ആദ്യ കോപ്പി സ്വീകരിച്ചു.
ചടങ്ങിൽ മുഖ്യാതിഥിയായി പങ്കെടുത്ത മുൻ ചീഫ് സെക്രട്ടറിയും കേരള പബ്ലിക് എന്റർപ്രൈസസ് സെലക്ഷൻ റിക്രൂട്ട്മെന്റ് ബോർഡ് ചെയർപേഴ്സണുമായ V P Joy മാധ്യമപ്രവർത്തനം വളരെ വെല്ലുവിളി നേരിടുന്ന കാലഘട്ടമാണെന്ന് പറഞ്ഞു. സമൂഹത്തിൽ സൃഷ്ടിക്കപ്പെടുന്ന സത്യത്തിന്റെ ഒന്നോ രണ്ടോ ശതമാനം മാത്രമാണ് പൊതുജനങ്ങളിലേക്ക് എത്തുന്നതെന്നും അദ്ദേഹം കൂട്ടിച്ചേർത്തു.
കേരള മീഡിയ അക്കാദമിയുടെ കാക്കനാട്ടെ ക്യാമ്പസിൽ പുതുതായി ഉയരുന്ന ആസ്ഥാന മന്ദിരത്തിൽ മുതിർന്ന മാധ്യമപ്രവർത്തകർക്ക് പഠന-ഗവേഷണ പ്രവർത്തനങ്ങൾ നടത്തുന്നതിനുള്ള സൗകര്യം ഒരുക്കുന്നുവെന്ന് മീഡിയ അക്കാദമി ചെയർമാൻ ആർ.എസ്. ബാബു അധ്യക്ഷപ്രസംഗത്തിൽ അറിയിച്ചു.
പ്രൊഫ. വി.കെ. രാമചന്ദ്രൻ, വി.പി. ജോയ് ഐഎഎസ്, ദൂരദർശൻ മുൻ അഡീഷണൽ ഡയറക്ടർ ജനറൽ കെ. കുഞ്ഞികൃഷ്ണൻ എന്നിവർ മുതിർന്ന മാധ്യമപ്രവർത്തകരെ ആദരിച്ചു. ‘Media Memories 100’ തയ്യാറാക്കിയ മുതിർന്ന മാധ്യമപ്രവർത്തകനും മാധ്യമ അധ്യാപകനുമായ പി.വി. മുരുകന് ചടങ്ങിൽ ഉപഹാരം സമർപ്പിച്ചു.
അക്കാദമി സെക്രട്ടറി അരുൺ എസ്.എസ് സ്വാഗതവും ജനറൽ കൗൺസിൽ അംഗം സുരേഷ് വെള്ളിമംഗലം നന്ദിയും പറഞ്ഞു.
സ്വദേശാഭിമാനി-കേസരി അവാർഡ് ജേതാക്കളായ എസ്.ആർ. ശക്തിധരൻ, മലയിൻകീഴ് ഗോപാലകൃഷ്ണൻ, ജനയുഗം എഡിറ്റർ രാജാജി മാത്യു തോമസ്, എം.പി. അച്യുതൻ, എം.ജി. രാധാകൃഷ്ണൻ, പി.പി. ജെയിംസ്, ജേക്കബ് ജോർജ്, എൻ.പി. ചന്ദ്രശേഖരൻ, കെ.വി. സുധാകരൻ, മാർക്കോസ് എബ്രഹാം, സരിത മോഹനൻ ഭാമ, എസ്. ബിജു, സുഷമ, ടി.കെ. സുജിത്ത്, ലിറ്റററി അസോസിയേഷൻ ഓഫ് നോർത്ത് അമേരിക്ക സെക്രട്ടറി ഷിബു പിള്ള, മാതൃഭൂമി ന്യൂസ് (ദുബായ്) സീനിയർ റിപ്പോർട്ടർ സുരേഷ് വെള്ളിമുറ്റം, യു.എ.ഇ സിറാജ് ദിനപ്പത്രം എഡിറ്റർ കെ.എം. അബ്ബാസ് എന്നിവർ സംസാരിച്ചു.
