അബൂദബി: തിരുവനന്തപുരം സ്വദേശിയായ മലയാളിയെ അബൂദബിയിൽ കാണാതായതായി പരാതി. തിരുവനന്തപുരം അണ്ടൂർകോണം പാച്ചിറ സ്വദേശി മാഹിൻ അബ്ദുറഹ്മാനെയാണ് കാണാതായത്.
മുസഫ ശാബിയ 12-ലെ ഒരു കഫ്തീരിയയിൽ ജോലി ചെയ്തുവരികയായിരുന്നു മാഹിൻ. ഈ മാസം 18 വരെ ജോലിക്കെത്തിയിരുന്ന അദ്ദേഹം, തുടർന്ന് താമസസ്ഥലത്ത് നിന്നാണ് കാണാതായതെന്ന് ബന്ധുക്കൾ അറിയിച്ചു.
47 വയസുകാരനായ മാഹിൻ കഴിഞ്ഞ എട്ട് വർഷമായി അബൂദബിയിലെ കഫ്തീരിയ മേഖലയിലാണ് ജോലി ചെയ്തുവരുന്നത്.
ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവർ +971 56 9773169 എന്ന നമ്പറിൽ ബന്ധപ്പെടണമെന്ന് ബന്ധുക്കൾ അഭ്യർത്ഥിച്ചു.
