കേരളം: നിയമസഭ തെരഞ്ഞെടുപ്പിനായി മുസ്ലിം ലീഗ് 25 സ്ഥാനാർഥികളുടെ പട്ടിക പ്രഖ്യാപിച്ചു. രണ്ട് വനിതകൾ ഉൾപ്പെട്ട പട്ടികയിൽ എം.കെ. മുനീറിന് സീറ്റ് ലഭിച്ചില്ലെന്നത് ശ്രദ്ധേയമാണ്.
മലപ്പുറം മണ്ഡലത്തിൽ പി.കെ. കുഞ്ഞാലിക്കുട്ടിയും വേങ്ങരയിൽ കെ.എം. ഷാജിയും മത്സരിക്കും. കോഴിക്കോട് സൗത്തിൽ എം.കെ. മുനീറിന് പകരം ഫൈസൽ ബാബുവിനാണ് അവസരം നൽകിയിരിക്കുന്നത്. മങ്കടയിൽ മഞ്ഞളാംകുഴി അലി, താനൂരിൽ പി.കെ. നവാസ്, മണ്ണാർക്കാട് എൻ. ഷംസുദ്ദീൻ, കളമശ്ശേരി വി.ഇ. അബ്ദുൽ ഗഫൂർ എന്നിവരും സ്ഥാനാർഥികളായി പ്രഖ്യാപിക്കപ്പെട്ടു.
പട്ടികയിലെ വനിതാ സ്ഥാനാർഥികളായി പേരാമ്പ്രയിൽ ഫാത്തിമ തെഹ്ലിയയും കൂത്തുപറമ്പിൽ ജയന്തി രാജനും മത്സരിക്കും. ചേലക്കര, പുനലൂർ മണ്ഡലങ്ങളിലെ സ്ഥാനാർഥി പ്രഖ്യാപനം പിന്നീട് ഉണ്ടാകുമെന്ന് നേതൃത്വം അറിയിച്ചു.
പ്രഖ്യാപിച്ച സ്ഥാനാർഥികൾ:
- മഞ്ചേശ്വരം – എ.കെ.എം. അഷ്റഫ്
- കാസർകോട് – കല്ലട്ര മാഹിൻ ഹാജി
- അഴീക്കോട് – കരീം ചേലേരി
- കൂത്തുപറമ്പ് – ജയന്തി രാജൻ
- കുറ്റ്യാടി – പാറയ്ക്കൽ അബ്ദുല്ല
- പേരാമ്പ്ര – ഫാത്തിമ തെഹ്ലിയ
- പെരിന്തൽമണ്ണ – നജീബ് കാന്തപുരം
- കൊടുവള്ളി – പി.കെ. ഫിറോസ്
- കുന്നമംഗലം – റസാഖ് മാസ്റ്റർ
- കോഴിക്കോട് സൗത്ത് – ഫൈസൽ ബാബു
- ഏറനാട് – പി.കെ. ബഷീർ
- കൊണ്ടോട്ടി – ടി.പി. അഷ്റഫ് അലി
- വള്ളിക്കുന്ന് – ടി.വി. ഇബ്രാഹിം
- മലപ്പുറം – പി.കെ. കുഞ്ഞാലിക്കുട്ടി
- മഞ്ചേരി – എം. റഹ്മത്തുല്ല
- തിരൂരങ്ങാടി – പി.എം.എ. സമീർ
- കോട്ടയ്ക്കൽ – ആബിദ് ഉസൈൻ തങ്ങൾ
- വേങ്ങര – കെ.എം. ഷാജി
- തിരൂർ – കുറുക്കോളി മൊയ്തീൻ
- താനൂർ – പി.കെ. നവാസ്
- മങ്കട – മഞ്ഞളാംകുഴി അലി
- മണ്ണാർക്കാട് – എൻ. ഷംസുദ്ദീൻ
- തിരുവമ്പാടി – കാസിം കൂടരഞ്ഞി
- ഗുരുവായൂർ – സി.എച്ച്. റഷീദ്
- കളമശ്ശേരി – വി.ഇ. അബ്ദുൽ ഗഫൂർ
WhatsApp Channel പ്രധാന വാർത്തകളും ബ്രേക്കിങ് അപ്ഡേറ്റുകളും നേരിട്ട് ഫോണിലേക്ക്
Join 
