അബുദാബി: മേഖലയിലെ അവശ്യവസ്തുക്കളുടെ ലഭ്യതയും വിലസ്ഥിരതയും വിലയിരുത്തുന്നതിനായി അബുദാബി സാമ്പത്തിക വികസന വകുപ്പ് അബുദാബിയിലെയും അൽ ഐനിലെയും ലുലു ഹൈപ്പർമാർക്കറ്റുകൾ സന്ദർശിച്ചു.
ചെയർമാൻ അഹമ്മദ് ജാസിം അൽ സാബിയുടെ നേതൃത്വത്തിലുള്ള ഉദ്യോഗസ്ഥ സംഘം വിവിധ വിഭാഗങ്ങൾ പരിശോധിച്ചു. ലുലു ഹൈപ്പർമാർക്കറ്റുകളിൽ ഭക്ഷ്യോത്പന്നങ്ങളുടെ മികച്ച ലഭ്യതയും വിലസ്ഥിരതയും ഉറപ്പാക്കിയിട്ടുണ്ടെന്ന് വകുപ്പ് വിലയിരുത്തി.
പ്രത്യേക ചരക്ക് വിമാനങ്ങളിലൂടെ ലോകത്തിന്റെ വിവിധ ഭാഗങ്ങളിൽ നിന്ന് അവശ്യവസ്തുക്കൾ എത്തിച്ച് ഭക്ഷ്യസുരക്ഷ ഉറപ്പാക്കുന്ന ലുലു ഗ്രൂപ്പ് ചെയർമാൻ എം.എ യൂസഫലിയുടെ പ്രവർത്തനങ്ങളെ വകുപ്പ് അഭിനന്ദിച്ചു.
വിപണിയിൽ ഉത്പന്നങ്ങളുടെ കൃത്യമായ ലഭ്യതയും വിലനിയന്ത്രണവും ഉറപ്പാക്കുന്നതിനായുള്ള സന്ദർശനങ്ങളാണിതെന്ന് എക്സിക്യൂട്ടീവ് ഡയറക്ടർ മുഹമ്മദ് റാഷിദ് അൽ റുമാതി അറിയിച്ചു. ജനങ്ങൾക്ക് ആശങ്കകളുണ്ടെങ്കിൽ നേരിട്ട് അറിയിക്കാനാവുമെന്നും അദ്ദേഹം പറഞ്ഞു.
അണ്ടർസെക്രട്ടറി ഹമദ് സായാഹ് അൽ മസ്രൂയി ലുലുവിലെ വിപുലമായ ഉത്പന്ന ശേഖരവും വിലസ്ഥിരതയും ശ്രദ്ധേയമാണെന്ന് വ്യക്തമാക്കി.
ലുലു സ്റ്റോറുകളിൽ ആവശ്യവസ്തുക്കളുടെ മതിയായ ലഭ്യതയും സ്ഥിരമായ വിലയും ഉറപ്പാക്കിയിട്ടുണ്ടെന്ന് എം.എ യൂസഫലി പറഞ്ഞു. ഇത്തരം പരിശോധനകൾ വിപണിയിലെ സുതാര്യതക്കും ഉപഭോക്തൃ വിശ്വാസത്തിനും സഹായകരമാണെന്നും അദ്ദേഹം കൂട്ടിച്ചേർത്തു.
English Summary : Abu Dhabi authorities confirm strong food availability and stable prices at Lulu Hypermarkets. Officials praise Lulu Group’s efforts in ensuring food security across the UAE. #Lulu #UAEnews #AbuDhabi #FoodSecurity
