കുമ്പള: സാമൂഹിക-സാംസ്കാരിക-ജീവകാരുണ്യ രംഗങ്ങളിൽ നാട്ടിലും ദുബായിലും സജീവ സാന്നിധ്യമായിരുന്ന ദുബായ് കെ.എം.സി.സി മുൻ ഭാരവാഹിയും ദുബായ് മലബാർ കലാസാംസ്കാരിക വേദി ട്രഷററുമായ സയ്യിദ് ഷാഹുൽ ഹമീദ് തങ്ങൾ മാളിക (53) അന്തരിച്ചു.
ദുബായിലെ അൽ ജബീൻ സ്ഥാപനത്തിന്റെ മാനേജിംഗ് ഡയറക്ടറായിരുന്ന അദ്ദേഹം, വിദേശത്തുനിന്ന് നാട്ടിലെത്തിയ ശേഷം അസുഖബാധിതനായി ഏതാനും ആഴ്ചകൾക്ക് മുമ്പ് മംഗലാപുരത്തെ ആശുപത്രിയിൽ പ്രവേശിപ്പിക്കപ്പെട്ടിരുന്നു. ചികിത്സയിലിരിക്കെ രാത്രി എട്ടരയോടെയായിരുന്നു അന്ത്യം.
കുമ്പള സയ്യിദ് മുഹമ്മദ് തങ്ങൾ മാളികയും മൈമൂന ബീവിയും ദമ്പതികളുടെ മൂത്ത മകനാണ്. ഭാര്യ സയ്യിദത്ത് അസ്മാ ബീവി. മക്കൾ: സയ്യിദ് ഇസ്മയിൽ, ഹാഷിർ സയ്യിദ് ഷമാസ്, മൈമൂനത് ഹംന.
സഹോദരങ്ങൾ: സയ്യിദ് അലവി (കുവൈത്ത്), സയ്യിദ് താജുദ്ദീൻ മാളിക, സയ്യിദ് ബദ്റുദ്ദീൻ തങ്ങൾ (ദുബായ്).
മരണാനന്തര ചടങ്ങുകൾ ചൊവ്വാഴ്ച രാവിലെ 8 മണിക്ക് കുമ്പള ചെറിയ പള്ളി ഖബറിസ്ഥാനിൽ നടക്കും.
സയ്യിദ് ഷാഹുൽ ഹമീദ് തങ്ങളുടെ നിര്യാണത്തിൽ ദുബായ് കെ.എം.സി.സി കാസറഗോഡ് ജില്ലാ കമ്മിറ്റിയും ദുബായ് കെ.എം.സി.സി മഞ്ചേശ്വരം മണ്ഡലം കമ്മിറ്റിയും അനുശോചനം രേഖപ്പെടുത്തി.
