ദുബായ്:പൊതുജനങ്ങളുമായി ബന്ധം ശക്തിപ്പെടുത്താനും ദുബായിലെ വിവിധ സർക്കാർ സ്ഥാപനങ്ങളുടെ സേവനങ്ങളെക്കുറിച്ച് അവബോധം സൃഷ്ടിക്കാനുമായി,ദുബായ് ജിഡിആർഎഫ്എ സംഘടിപ്പിച്ച ‘ഖൈല ജവാസാത്ത് ദുബായ്’ എന്ന പ്രോഗ്രാം ശ്രദ്ധേയമായി.റമദാനിൽ ഹംദാൻ ബിൻ മുഹമ്മദ് ഹെറിറ്റേജ് സെന്ററിന് കീഴിലുള്ള ‘അൽ ഔല’ റേഡിയോ 107.4-ൽ വഴിയും ജനറൽ ഡയറക്ടറേറ്റിന്റെ വിവിധ സോഷ്യൽ മീഡിയ പ്ലാറ്റ്ഫോമുകളുമായി നടന്ന പരിപാടിയുടെ സന്ദേശം 57 ദശലക്ഷം പേരിലേക്ക് എത്തിയെന്ന് ജി ഡി ആർ എഫ് എ ദുബായ് അറിയിച്ചു.
ജി.ഡി.ആർ.എഫ്.എ ദുബായ്, ഹംദാൻ ബിൻ മുഹമ്മദ് ഹെറിറ്റേജ് സെന്റർ, ദുബായ് മുനിസിപ്പാലിറ്റി, ദുബായ് ആംബുലൻസ്, നോളജ് ആൻഡ് ഹ്യൂമൻ ഡെവലപ്മെന്റ് അതോറിറ്റി (KHDA) തുടങ്ങി 28-ലധികം സർക്കാർ-സ്വകാര്യ സ്ഥാപനങ്ങളിൽ നിന്നുള്ള ഉന്നത മേധാവികൾ പ്രോഗ്രാമിൽ സംസാരിച്ചു തങ്ങളുടെ സേവനങ്ങളെക്കുറിച്ച് പൊതുജനങ്ങൾക്ക് പരിചയപ്പെടുത്തി.സർക്കാർ പ്രതിനിധികൾ നേരിട്ട് പങ്കെടുത്തത് പ്രോഗ്രാമിന്റെ ഉള്ളടക്കം കൂടുതൽ വിജ്ഞാനപ്രദമാക്കുന്നതിനും, സർക്കാർ സേവനങ്ങളെക്കുറിച്ചുള്ള ജനങ്ങളുടെ അറിവ് വർധിപ്പിക്കുന്നതിനും സഹായിച്ചു. ജനങ്ങളുടെ ജീവിതനിലവാരം ഉയർത്തുക, സമൂഹത്തിൽ പോസിറ്റീവ് മൂല്യങ്ങൾ ശക്തിപ്പെടുത്തുക എന്നീ ലക്ഷ്യങ്ങളും ഈ പങ്കാളിത്തത്തിലൂടെ കൈവരിക്കാനായെന്ന് ജി.ഡി.ആർ.എഫ്.എ ചൂണ്ടിക്കാട്ടി. ഈ പരിപാടിയിൽ പങ്കെടുത്ത പൊതുജനങ്ങൾക്ക് കാറുകളും അടക്കമുള്ള വിവിധ സമ്മാനങ്ങളും വിതരണം ചെയ്തിരുന്നു.
ഖൈല” പ്രോഗ്രാമിന് പിന്നിൽ പ്രവർത്തിച്ച ടീമുകളെ കഴിഞ്ഞ ദിവസം ജി ഡി ആർ എഫ് എ മുഖ്യ കാര്യാലയത്തിൽ നടന്ന ചടങ്ങിൽ ആദരിച്ചു.മേധാവി ലഫ് : ജനറൽ മുഹമ്മദ് അഹ്മദ് അൽ മർറി,മുഹമ്മദ് അഹമ്മദ് അൽ മർറി, ഹംദാൻ ബിൻ മുഹമ്മദ് ഹെറിറ്റേജ് സെന്റർ സിഇഒ അബ്ദുള്ള ബിൻ ദൽമൂക്ക്.ജിഡിആർഎഫ്എ ഡെപ്യൂട്ടി ഡയറക്ടർ ജനറൽ മേജർ ജനറൽ ഉബൈദ് മുഹൈർ ബിൻ സുറൂർ, വിവിധ ഡിപ്പാർട്ട്മെന്റ്കളുടെ അസിസ്റ്റന്റ് ഡയറക്ടർമാർ, വിവിധ സർക്കാർ ഏജൻസികളുടെ പ്രതിനിധികൾ, പങ്കാളികൾ എന്നിവർ ചടങ്ങിൽ പങ്കെടുത്തു.
ഈ പരിപാടി, ജനങ്ങളുടെ ജീവിത നിലവാരം ഉയർത്തുകയും, പോസിറ്റീവ് മൂല്യങ്ങൾ ശക്തിപ്പെടുത്തുകയും, സമൂഹവുമായി നേരിട്ടുള്ള ഇടപെടലുകൾക്ക് അവസരം സൃഷ്ടിക്കുകയും ചെയ്തുവെന്നും സർക്കാർ സ്ഥാപനങ്ങളുടെ പ്രതിനിധികൾ സ്പീക്കർമാരായി പങ്കെടുത്തത് പ്രോഗ്രാമിന്റെ അറിവ് അധിഷ്ഠിത ഉള്ളടക്കം കൂടുതൽ സമ്പുഷ്ടമാക്കുകയും പൊതുജനങ്ങൾക്ക് സേവനങ്ങളെക്കുറിച്ചുള്ള ബോധവൽക്കരണം വർധിപ്പിക്കുകയും ചെയ്തുവെന്ന് ജനറൽ ഡയറക്ടറേറ്റ് വിശദീകരിച്ചു.
2026 സീസണിലെ പ്രധാന നേട്ടങ്ങൾ ചടങ്ങിൽ അവതരിപ്പിച്ചു. 2025നെ അപേക്ഷിച്ച് പ്രകടന സൂചികകളിൽ ശ്രദ്ധേയമായ വർധനവ് രേഖപ്പെടുത്തി. ആകെ മീഡിയ റീച്ച് 57 മില്യൺ കടന്ന് 129% വർധിച്ചു. വിവിധ പ്ലാറ്റ്ഫോമുകളിലെ ഇടപെടലുകൾ 3.96 ലക്ഷം പിന്നിട്ട് 69% ഉയർന്നു. പുതിയ ഫോളോവേഴ്സിന്റെ എണ്ണം ഏകദേശം 6000 ആയി, 48% വർധനവ് രേഖപ്പെടുത്തിയെന്ന് അധികൃതർ വ്യക്തമാക്കി.
