ദുബായ്: ഓസ്‌ട്രേലിയയിൽ കഴിഞ്ഞ 14 വർഷത്തിലേറെയായി വിവിധ മേഖലകളിൽ വിശ്വാസ്യതയാർന്ന സേവനങ്ങൾ നൽകി വരുന്ന ഫ്ലൈവേൾഡ് ഗ്രൂപ്പിന്റെ കൊമേഴ്സ്യൽ ലോ വിഭാഗമായ FCL Lawyers യുഎഇയിലും പ്രവർത്തനം ആരംഭിച്ചു.
യുഎഇയിലെ പ്രവാസികൾക്കും വ്യക്തികൾക്കും ബിസിനസ് സ്ഥാപനങ്ങൾക്കും അന്താരാഷ്ട്ര നിലവാരത്തിലുള്ള നിയമോപദേശവും സമഗ്രമായ നിയമസഹായവും ലഭ്യമാക്കുക എന്ന ലക്ഷ്യത്തോടെയാണ് ദുബായിൽ പുതിയ ഓഫീസ് പ്രവർത്തനം ആരംഭിച്ചതെന്ന് അധികൃതർ അറിയിച്ചു. ഓസ്‌ട്രേലിയയിലെയും യുഎഇയിലെയും നിയമരംഗത്ത് പരിചയസമ്പന്നരായ അഭിഭാഷകരുടെ നേതൃത്വത്തിലാണ് സേവനങ്ങൾ ലഭ്യമാകുന്നത്.
ഫാമിലി ലോ, റന്റൽ തർക്കങ്ങൾ, എംപ്ലോയ്‌മെന്റ് ലോ, ട്രാവൽ ബാൻ, ചെക്ക് കേസുകൾ, ബിസിനസ് ലോ, കോർപ്പറേറ്റ് ലോ, വിൽസ് തയ്യാറാക്കൽ, കരാർ തയ്യാറാക്കലും പരിശോധനയും, നിയമോപദേശം തുടങ്ങി വ്യക്തികൾക്കും സ്ഥാപനങ്ങൾക്കും ആവശ്യമായ വിപുലമായ നിയമസേവനങ്ങൾ FCL Lawyers മുഖേന ലഭ്യമാകുമെന്ന് അധികൃതർ വ്യക്തമാക്കി.
ദുബായിലെ ബുർജുമാൻ ബിസിനസ് ടവറിൽ നടന്ന വാർത്താസമ്മേളനത്തിൽ AKCAF Association പ്രസിഡന്റ് പോൾ ടി. ജോസഫ്, ഓസ്‌ട്രേലിയൻ അഭിഭാഷകയും FCL Lawyers ഡയറക്ടറുമായ അഡ്വ. താര എസ്. നമ്പൂതിരി, Flyworld Group സി.ഇ.ഒ. റോണി ജോസഫ്, സി.ഒ.ഒ. പ്രിൻസ് ജേക്കബ് എബ്രഹാം, യു.കെ. ഡയറക്ടർ ടിൻസ് എബ്രഹാം, Flyworld Overseas Education ഡയറക്ടർ റോബി ജോസഫ്, യു.എ.ഇ. റീജിയണൽ ഹെഡ് ഡാനിയൽ ജോണി, ആർ.ജെ. ഫസ്‌ലു എന്നിവർ പങ്കെടുത്തു.
നിയമസേവന രംഗത്ത് വിശ്വാസ്യത, പ്രൊഫഷണൽ മികവ്, സുതാര്യത എന്നിവയ്ക്ക് മുൻഗണന നൽകിക്കൊണ്ട് യുഎഇയിലെ വ്യക്തികൾക്കും സംരംഭകർക്കും സ്ഥാപനങ്ങൾക്കും സമഗ്രമായ നിയമപരിഹാരങ്ങൾ ലഭ്യമാക്കുകയാണ് ലക്ഷ്യമെന്ന് വാർത്താസമ്മേളനത്തിൽ അധികൃതർ പറഞ്ഞു. യുഎഇയിൽ പ്രവർത്തനം ആരംഭിക്കുന്നതോടെ മിഡിൽ ഈസ്റ്റിലെ നിയമസേവന രംഗത്ത് കമ്പനിയുടെ സാന്നിധ്യം കൂടുതൽ ശക്തിപ്പെടുത്താൻ കഴിയുമെന്ന് FCL Lawyers ഡയറക്ടർ അഡ്വ. താര എസ്. നമ്പൂതിരി അറിയിച്ചു.
