കൊച്ചി: ഇറാൻ-യു.എസ് സമാധാന ചർച്ചകൾ ആരംഭിക്കാനിരിക്കെ സ്വർണവിലയിൽ വീണ്ടും നേരിയ വർധന രേഖപ്പെടുത്തി. ഗ്രാമിന് 45 രൂപയും പവന് 360 രൂപയുമാണ് ഇന്ന് കൂടിയത്.
ഇതോടെ സ്വർണവില ഗ്രാമിന് 14,010 രൂപയും പവന് 1,12,080 രൂപയുമായി. 18 കാരറ്റ് സ്വർണത്തിന് ഗ്രാമിന് 11,515 രൂപയും പവന് 92,120 രൂപയുമാണ് നിലവിലെ വില.
ഇറാൻ-യു.എസ് വെടിനിർത്തൽ പ്രഖ്യാപനത്തെ തുടർന്ന് ബുധനാഴ്ച സ്വർണവിലയിൽ കുതിച്ചുയർച്ചയുണ്ടായിരുന്നു. അന്ന് ഗ്രാമിന് 365 രൂപ വർധിച്ച് 14,100 രൂപയിലും പവന് 2,920 രൂപ ഉയർന്ന് 1,12,800 രൂപയിലും എത്തി.
എന്നാൽ, പിന്നീട് വിലയിൽ വേഗത്തിലുള്ള ഇടിവ് രേഖപ്പെടുത്തിയിരുന്നു. ആഗോള രാഷ്ട്രീയ സാഹചര്യങ്ങളിലുണ്ടാകുന്ന മാറ്റങ്ങളും സമാധാന പ്രതീക്ഷകളും സ്വർണവിലയിൽ തുടർച്ചയായ മാറ്റങ്ങൾക്ക് കാരണമാകുന്നതായാണ് വിപണി നിരീക്ഷകർ വിലയിരുത്തുന്നത്.
WhatsApp Channel പ്രധാന വാർത്തകളും ബ്രേക്കിങ് അപ്ഡേറ്റുകളും നേരിട്ട് ഫോണിലേക്ക്
Join 
