തിരുവനന്തപുരം: തിരുവനന്തപുരം നിയമസഭ മണ്ഡലത്തിൽ എൻ.ഡി.എ സ്ഥാനാർഥിയായി ബി.ജെ.പി ജില്ല അധ്യക്ഷൻ കരമന ജയൻ തന്നെ മത്സരിക്കും. പാർട്ടിയുടെ മൂന്നാം ഘട്ട സ്ഥാനാർഥി പട്ടിക പുറത്തുവന്നതോടെ ഇത് ഔദ്യോഗികമായി സ്ഥിരീകരിച്ചു.
നടൻ കൃഷ്ണകുമാറിനെ സ്ഥാനാർഥിയാക്കാൻ എൻ.ഡി.എ ആലോചിക്കുന്നുവെന്ന റിപ്പോർട്ടുകൾ നേരത്തെ പുറത്തുവന്നിരുന്നു. എന്നാൽ ബി.ജെ.പിയുടെയോ എൻ.ഡി.എയുടെയോ ഭാഗത്ത് നിന്ന് ഇതുസംബന്ധിച്ച് ഔദ്യോഗിക സ്ഥിരീകരണം ഉണ്ടായിരുന്നില്ല. പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയ ചിത്രങ്ങൾ കൃഷ്ണകുമാർ പങ്കുവെച്ചതോടെ ചർച്ചകൾ ശക്തമായിരുന്നു.
എന്നാൽ ഇപ്പോൾ കരമന ജയൻ തന്നെയാണ് തിരുവനന്തപുരം മണ്ഡലത്തിൽ എൻ.ഡി.എയുടെ സ്ഥാനാർഥിയെന്ന് വ്യക്തമായി. എൽ.ഡി.എഫ് സ്ഥാനാർഥിയായി സുധീർ കരമനയും യു.ഡി.എഫ് സ്ഥാനാർഥിയായി സി.പി. ജോണും ഇതിനകം രംഗത്തുണ്ട്.
ബി.ജെ.പി മൂന്നാംഘട്ട സ്ഥാനാർഥി പട്ടിക:
- പീരുമേട് – വി. രതീഷ്
- പുതുപ്പള്ളി – രവീന്ദ്രനാഥ് വാകത്താനം
- മാവേലിക്കര (SC) – അജിമോൻ
- അടൂർ (SC) – പന്തളം പ്രതാപൻ
- ചവറ – കെ.ആർ. രാജേഷ്
- ചടയമംഗലം – ആർ.എസ്. അരുൺ രാജ്
- ചിറയൻകീഴ് (SC) – ബി.എസ്. അനൂപ്
- തിരുവനന്തപുരം – കരമന ജയൻ
- അരുവിക്കര – വിവേക് ഗോപൻ
- കോവളം – ടി.എൻ. സുരേഷ്
- നെയ്യാറ്റിൻകര – എസ്. രാജശേഖരൻ നായർ
തിരുവനന്തപുരം മണ്ഡലത്തിൽ മൂന്നു മുന്നണികളും പ്രമുഖ സ്ഥാനാർഥികളെ ഇറക്കിയതോടെ ശക്തമായ ത്രികോണ മത്സരം ഉറപ്പായി.
