അബുദാബി: യു.എ.ഇ ജനതയോട് അഭിസംബോധന ചെയ്ത് രാജ്യത്തിന്റെ സുരക്ഷയും സമാധാനവും പ്രഥമ പരിഗണനയാണെന്ന് പ്രസിഡണ്ട് വ്യക്തമാക്കി. രാജ്യത്തെയും അവിടുത്തെ ജനങ്ങളെയും താമസക്കാരെയും സന്ദർശകരെയും സംരക്ഷിക്കാൻ യുഎഇയ്ക്ക് ആവശ്യമായ കഴിവും സന്നദ്ധതയും ഉണ്ടെന്ന് അദ്ദേഹം പറഞ്ഞു.
രാജ്യത്തെ സംരക്ഷിക്കാൻ ആത്മാർഥമായി പ്രവർത്തിച്ച സായുധ സേനയെയും ദേശീയ സുരക്ഷാ സംവിധാനങ്ങളെയും അദ്ദേഹം അഭിനന്ദിച്ചു. അവരുടെ ജാഗ്രതയും ഏകോപിത പ്രവർത്തനവും രാജ്യത്തിന് അഭിമാനകരമാണെന്നും വ്യക്തമാക്കി.
യുഎഇയോടുള്ള സ്നേഹവും ഉത്തരവാദിത്വബോധവും പ്രകടിപ്പിച്ച രാജ്യത്തെ പൗരന്മാർക്കും നിവാസികൾക്കും പ്രസിഡണ്ട് നന്ദി അറിയിച്ചു. യുഎഇയിൽ ജീവിക്കുന്ന എല്ലാവരും ഈ നാടിന്റെ പുരോഗതിയിൽ പങ്കാളികളാണെന്നും അദ്ദേഹം പറഞ്ഞു.
സംഭവത്തിൽ ഇരയായവർക്കായി പ്രാർത്ഥനകളും പരിക്കേറ്റവർ വേഗം സുഖം പ്രാപിക്കട്ടെയെന്നും അദ്ദേഹം ആശംസിച്ചു. ഐക്യത്തോടെയും ആത്മവിശ്വാസത്തോടെയും യുഎഇ മുന്നോട്ട് പോകുമെന്നും പ്രസിഡണ്ട് കൂട്ടിച്ചേർത്തു.
