തിരൂർ: താനൂർ മണ്ഡലത്തിൽ സ്ഥാനാർഥിയായി പ്രഖ്യാപിച്ചിട്ടും മന്ത്രി വി. അബ്ദുറഹിമാൻ ഇതുവരെ പ്രചാരണത്തിനിറങ്ങാത്തത് രാഷ്ട്രീയ വൃത്തങ്ങളിൽ ചർച്ചയാകുന്നു. എൽ.ഡി.എഫ് സ്ഥാനാർഥി പട്ടിക പ്രഖ്യാപിച്ച ദിവസം തന്നെ മറ്റ് സ്ഥാനാർഥികൾ പ്രചാരണം ആരംഭിച്ചിരുന്നുവെങ്കിലും അബ്ദുറഹിമാൻ താനൂരിൽ സജീവമായിട്ടില്ല.
മത്സരിക്കാനില്ലെന്ന് മുൻകൂട്ടി സംസ്ഥാന നേതൃത്വത്തെ അറിയിച്ചിട്ടും സ്ഥാനാർഥിയാക്കിയതിലുള്ള അസന്തോഷമാണ് ഇതിന് പിന്നിലെന്നാണ് സൂചന. ചില നേതാക്കൾ അദ്ദേഹത്തെ സമീപിക്കാൻ ശ്രമിച്ചെങ്കിലും ഇതുവരെ ബന്ധപ്പെടാൻ സാധിച്ചിട്ടില്ലെന്ന വിവരങ്ങളാണ് പുറത്തുവരുന്നത്.
അതേസമയം, മന്ത്രി രണ്ട് ദിവസം വീട്ടിൽ വിശ്രമത്തിലാണെന്നും അതിന് ശേഷം പ്രചാരണത്തിനിറങ്ങുമെന്നും അദ്ദേഹത്തിന്റെ ഓഫീസ് അറിയിച്ചു. ഇതോടെ ഉടൻ തന്നെ പ്രചാരണ രംഗത്ത് എത്തുമെന്നാണ് നേതൃത്വം പ്രതീക്ഷിക്കുന്നത്.
WhatsApp Channel പ്രധാന വാർത്തകളും ബ്രേക്കിങ് അപ്ഡേറ്റുകളും നേരിട്ട് ഫോണിലേക്ക്
Join 
