ഷാർജ: അഗ്നിപഥ് ഇന്ത്യൻ സൈന്യത്തെ രാഷ്ട്രീയവൽക്കരിക്കാനുള്ള നിഗുഢപദ്ധതി യാണെന്ന് എം.എം. ജെ. സി. യു എ.ഇ.പ്രസിഡണ്ടും,കെ.എം.സി.സി.നേതാവുമായ ടി.പി.മഹമ്മൂദ് ഹാജി വെങ്ങര രിഫായി ജമാ അത്ത് കമ്മിറ്റിയുടെ പ്രവാസി സംഗമം ഉൽഘാടനം ചെയ്തു കൊണ്ട് പറഞ്ഞു.
രാജ്യത്തിൻ്റെ മതേതര ജനാധിപത്യ പൈതൃകത്തെ സംരക്ഷിക്കുന്ന ഉന്നത മൂല്യങ്ങൾ കൊണ്ട് സംരക്ഷിക്കപ്പെടുന്ന പട്ടാളത്തെ അപഹാസ്യമാക്കാൻ മാത്രമെ ഈ പദ്ധതി കൊണ്ട് സാധിക്കുകയുള്ളുവെന്നും, ജനാധിപത്യ രീതിയിലൂടെ പ്രതിരോധിക്കുന്നവരെ ബുൾഡൊസർ രാജിലൂടെ ഭയപ്പെടുത്തുകയാണെന്നും ഇത് ജനാധിപത്യ വിശ്വാസികൾ തിരിച്ചറിയണമെന്നും, ഇന്ത്യൻ സൈന്യം ഓരോ ഇന്ത്യക്കാരൻ്റെയും, അഭിമാനമാണെന്നും, അതിനെ സങ്കുചിത രാഷ്ട്രീലാദത്തിന് വേണ്ടി ഉപയോഗിക്കരുതെന്ന് ടി.പി.അഭിയാപ്പെട്ടു. അന്തരിച്ച യു.എ.ഇ.പ്രസിഡണ്ട് ശൈഖ്: ഖലീഫ ബിൻ സായിദിൻ്റെ 40 ദിനത്തിൽ പ്രാർത്ഥന നടത്തികൊണ്ടാണ് യോഗം ആരംഭിച്ചത്. മത, സാമുഹ്യ, ജീവ കാരുണ്യ പ്രവർത്തനങ്ങളിൽ നീണ്ട സേവനം ചെയ്തു വരുന്ന കായക്കൊടി ഇബ്രാഹിം ഉസ്താദ് ,ടി.പി.മഹമ്മൂദ് ഹാജി, ടി.കെ.ഹമീദ് സാഹിബ്, പുന്നക്കൻ ബീരാൻ ഹാജി, എൻ.കെ.ഹമീദ്, സി.പി.ജലീൽ എന്നിവരെ സംഗമത്തിൽ വെച്ച് ആദരിച്ചു.
സ്വാഗത സംഘം ചെയർമാൻ പുന്നക്കൻ മുഹമ്മദലി അദ്ധ്യക്ഷ വഹിച്ചു.
ഐ.എ.എസ് മുൻ ജനറൽ സിക്രട്ടറി അബ്ദുല്ല മല്ലിശ്ശേരി ഉപഹാരങ്ങൾ നൽകി. പി.മൊയ്തീൻ ഷാജി,
എൻ.കെ.റാസിക്ക്, കെ.ആസാദ്, എം.കെ.സാജിദ്, കെ.മഹമ്മൂദ്, ജാബിർ, എന്നിവർ ആശംസകൾ നേർന്നു സംസാരിച്ചു.
കെ. ശരീഫ് സ്വാഗതവും എം.കെ.ഇക്ബാൽ നന്ദിയും പറഞ്ഞു.
