തിരുവപ്പന ആഘോഷ സമിതി യുഎഇയുടെ നേതൃത്വത്തിൽ അജ്മാൻ ഇന്ത്യൻ അസോസിയേഷൻ ഹാളിലാണ് ചടങ്ങുകൾ സംഘടിപ്പിക്കുന്നത്
അജ്മാൻ, യു.എ.ഇ — ഓഗസ്റ്റ് 6, 2026: യുഎഇയിലെ മുത്തപ്പ ഭക്തരുടെ കൂട്ടായ്മ സംഘടിപ്പിക്കുന്ന 17-ാമത് ശ്രീ മുത്തപ്പൻ തിരുവപ്പന മഹോത്സവം 2026 ഒക്ടോബർ 3, 4 (ശനി, ഞായർ) തീയതികളിൽ അജ്മാൻ ഇന്ത്യൻ അസോസിയേഷൻ ഹാളിൽ വെച്ച് നടക്കും.
യുഎഇയുടെ വിവിധ എമിറേറ്റുകളിൽ നിന്നുള്ള ആയിരക്കണക്കിന് ഭക്തജനങ്ങളെ സ്വീകരിക്കുന്നതിനായി അജ്മാൻ ഇന്ത്യൻ അസോസിയേഷൻ ഹാളിൽ വിപുലമായ സൗകര്യങ്ങളാണ് സംഘാടകർ ഒരുക്കുന്നത്.പ്രവാസഭൂമിയിലെ മുഴുവൻ മുത്തപ്പ ഭക്തരെയും കുടുംബസമേതം ചടങ്ങുകളിലേക്ക് സ്വാഗതം ചെയ്യുന്നതായി ആഘോഷ സമിതി ഭാരവാഹികൾ അറിയിച്ചു.
മഹോത്സവവുമായി ബന്ധപ്പെട്ട കൂടുതൽ വിവരങ്ങൾക്കും സംശയങ്ങൾക്കുമായി keralatraditionalfestival@gmail.com എന്ന ഇമെയിൽ വിലാസത്തിൽ ബന്ധപ്പെടാവുന്നതാണ്.
