വേർസെയ്ൽസ് ബൈ വിയേറാസ് ഹോട്ടലിൽ ആരംഭിച്ച റെസ്റ്റോറന്റ് ദക്ഷിണേന്ത്യൻ താരം ദിവ്യ പിള്ള ഉദ്ഘാടനം ചെയ്തു
ദുബായ്, യു.എ.ഇ:ദക്ഷിണേന്ത്യൻ വിഭവങ്ങളും തത്സമയ വിനോദ ഉപാധികളും ഒരുക്കി ടാമറിന്ഡ് റെസ്റ്റോറന്റ് ദുബായ് അൽ റിഗ്ഗയിൽ പ്രവർത്തനം ആരംഭിച്ചു. ചലച്ചിത്ര താരം ദിവ്യ പിള്ള പുതിയ സംരംഭത്തിന്റെ ഉദ്ഘാടനം നിർവഹിച്ചു.
അൽ റിഗ്ഗയിലെ വേർസെയ്ൽസ് ബൈ വിയേറാസ് ഹോട്ടലിന്റെ ഒന്നാം നിലയിലാണ് പുതിയ സ്ഥാപനം ക്രമീകരിച്ചിരിക്കുന്നത്. പരമ്പരാഗത ദക്ഷിണേന്ത്യൻ ഭക്ഷണശാല എന്നതിനൊപ്പം ലൈവ് മ്യൂസിക്, കരോക്കെ നൈറ്റുകൾ, പ്രീമിയം ഷീഷ, ബില്ല്യാർഡ്സ് സൗകര്യങ്ങളും ഇവിടെ ലഭ്യമാണ്.
രാജ്, ശ്രീകാന്ത്, സുജിത്ത് എന്നിവരുടെ നേതൃത്വത്തിലാണ് റെസ്റ്റോറന്റ് യാഥാർത്ഥ്യമാക്കിയത്. വരും ദിവസങ്ങളിൽ കൂടുതൽ സേവനങ്ങളും വിനോദ പരിപാടികളും അവതരിപ്പിക്കുമെന്ന് മാനേജ്മെന്റ് പ്രതിനിധികൾ വ്യക്തമാക്കി.
