പോലീസ് സേനാംഗങ്ങൾക്കിടയിൽ അച്ചടക്കവും കായികക്ഷമതയും വർദ്ധിപ്പിക്കുന്നതിനായി പ്രത്യേക പരിശീലന പരിപാടികൾ സംഘടിപ്പിച്ച് പോലീസ് സ്പോർട്സ് അസോസിയേഷൻ.
അബുദാബി — യുഎഇ ആഭ്യന്തര മന്ത്രാലയത്തിന് കീഴിലുള്ള പോലീസ് സ്പോർട്സ് അസോസിയേഷന്റെ നേതൃത്വത്തിൽ മാർഷൽ ആർട്സ് പരിശീലന നയങ്ങളെയും നിയമങ്ങളെയും കുറിച്ച് ബോധവത്കരണ ശിൽപശാലകൾ ആരംഭിച്ചു. രാജ്യത്തെ വിവിധ പോലീസ് ജനറൽ ഹെഡ്ക്വാർട്ടേഴ്സുകളിലും മന്ത്രാലയത്തിന്റെ വിവിധ വിഭാഗങ്ങളിലുമായാണ് പരിശീലന പരിപാടികൾ നടക്കുന്നത്.
മാർഷൽ ആർട്സിലെ ബെൽറ്റ് റാങ്കുകൾ, നിറങ്ങളുടെ മുൻഗണന, കൃത്യമായ പരിശീലന സമയക്രമം, പങ്കെടുക്കുന്നതിനുള്ള യോഗ്യതകൾ, സമയനിഷ്ഠ, അച്ചടക്കം എന്നിവയെക്കുറിച്ചുള്ള വിശദമായ വിവരങ്ങൾ ശിൽപശാലകളിൽ പങ്കുവെക്കും. കൂടാതെ, പരിശീലനവുമായി ബന്ധപ്പെട്ട് പ പാലിക്കേണ്ട ഔദ്യോഗിക നിയമങ്ങളും ചട്ടങ്ങളും സേനാംഗങ്ങൾക്ക് വിശദീകരിച്ചു നൽകും.
സേനാംഗങ്ങളുടെ കായികക്ഷമത ഉറപ്പാക്കുന്നതിനൊപ്പം പ്രൊഫഷണൽ നിലവാരവും അച്ചടക്കവും മെച്ചപ്പെടുത്തുകയാണ് ഈ പദ്ധതിയിലൂടെ മന്ത്രാലയം ലക്ഷ്യമിടുന്നത്. എല്ലാ എമിറേറ്റുകളിലെയും പോലീസ് വിഭാഗങ്ങളിൽ ഏകീകൃത പരിശീലന നയം നടപ്പിലാക്കാൻ ഈ നീക്കം സഹായിക്കും.
