അബുദാബി — നോർവേയിലെ ഹരാൾഡ് അഞ്ചാമൻ രാജാവിന്റെ നിര്യാണത്തിൽ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുശോചനം രേഖപ്പെടുത്തി. നോർവേയിലെ പുതിയ ഭരണാധികാരി ഹാക്കോൺ എട്ടാമൻ രാജാവിനാണ് അനുശോചന സന്ദേശം അയച്ചത്.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തും, വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ഷെയ്ഖ് മൻസൂർ ബിൻ സായിദ് അൽ നഹ്യാനും നോർവേ രാജകുടുംബത്തെയും ജനങ്ങളെയും സഹതാപം അറിയിച്ചു.
89-ാം വയസ്സിൽ ഓസ്ലോ സർവകലാശാല ആശുപത്രിയിലായിരുന്നു ഹരാൾഡ് അഞ്ചാമൻ രാജാവിന്റെ അന്ത്യം. 1991 ജനുവരിയിൽ അധികാരമേറ്റ അദ്ദേഹം 35 വർഷത്തോളം നോർവേയുടെ ഭരണാധികാരിയായി സേവനമനുഷ്ഠിച്ചു.
പിതാവിന്റെ വേർപാടിനെത്തുടർന്ന്, 53 കാരനായ കിരീടാവകാശി ഹാക്കോൺ അടിയന്തര കൗൺസിൽ യോഗത്തിൽ ഹാക്കോൺ എട്ടാമൻ എന്ന പേരിൽ പുതിയ രാജാവായി സ്ഥാനമേറ്റു
