ദേശീയ പതാക ദിനത്തിന്റെയും 55-ാമത് ഇത്തിഹാദ് ദിനാഘോഷത്തിന്റെയും ഭാഗമായി ഉമ്മു സുഖീം 2 ബീച്ചിലാണ് പ്രദർശനം
ദുബായ്, യുഎഇ — യുഎഇ പതാക ദിനത്തിന്റെയും 55-ാമത് ഇത്തിഹാദ് ദിനാഘോഷത്തിന്റെയും ഭാഗമായുള്ള വാർഷിക ‘യുഎഇ ഫ്ലാഗ് ഗാർഡൻ’ ദുബായിൽ പൊതുജനങ്ങൾക്കായി തുറന്നു. ഉമ്മു സുഖീം 2 ബീച്ചിൽ ഒരുക്കിയിരിക്കുന്ന ഫ്ലാഗ് ഗാർഡൻ 2027 ജനുവരി 10 വരെ സന്ദർശകർക്ക് ആസ്വദിക്കാം.
ബ്രാൻഡ് ദുബായുടെ നേതൃത്വത്തിൽ എല്ലാ വർഷവും സംഘടിപ്പിക്കുന്ന ഈ പ്രദർശനം നവംബർ 3-നാണ് ആരംഭിച്ചത്. രാജ്യത്തിന്റെ ദേശീയ ഐക്യവും അഭിമാനവും പ്രതിഫലിപ്പിക്കുന്ന വിധത്തിൽ ദേശീയ പതാകയുടെ നിറങ്ങൾ കോർത്തിണക്കിയാണ് വേദി സജ്ജീകരിച്ചിരിക്കുന്നത്.
സ്വദേശികൾക്കും പ്രവാസികൾക്കും ഒരേപോലെ സന്ദർശിക്കാവുന്ന പ്രധാന വിനോദ-സാംസ്കാരിക കേന്ദ്രമായാണ് ബീച്ച് ഒരുക്കിയിട്ടുള്ളത്. കുടുംബങ്ങൾക്കും കുട്ടികൾക്കും രാജ്യത്തിന്റെ ദേശീയ ആഘോഷങ്ങളുടെ ഭാഗമാകാൻ അവസരമൊരുക്കുന്നതാണ് ഈ ഉദ്യമം.
