ദുബായ്: ഏഴാമൈലുകാരുടെ യുഎഇ കൂട്ടായ്മയായ മൈൽ സെവൻ സംഘടിപ്പിച്ച അഞ്ചാമത് ഫുട്ബോൾ ഫെസ്റ്റ് ദുബായ് ടാലന്റ് അക്കാദമി ഗ്രൗണ്ടിൽ ആവേശകരമായി നടന്നു. ടൂർണമെന്റിൽ ആറ് ടീമുകൾ മാറ്റുരച്ചു. ആവേശകരമായ ഫൈനൽ മത്സരത്തിൽ മൈൽ സെവൻ മിന്നൽ എഫ്സിയെ ഷൂട്ടൗട്ടിൽ പരാജയപ്പെടുത്തി മൈൽ സെവൻ ഡെസേർട്ട് കിരീടം സ്വന്തമാക്കി. മൈൽ സെവൻ സുൽത്താൻസ് മൂന്നാം സ്ഥാനം നേടി.
ടൂർണമെന്റിലെ മികച്ച താരമായി മൈൽ സെവൻ ഡെസേർട്ടിന്റെ റാഷിദിനെയും മികച്ച ഗോൾകീപ്പറായി ഇതേ ടീമിലെ അജേഷിനെയും തിരഞ്ഞെടുത്തു. ടോപ് സ്കോറർ പുരസ്കാരം മൈൽ സെവൻ സുൽത്താൻസിന്റെ താഹിറലി സ്വന്തമാക്കി. എമർജിംഗ് പ്ലെയർ പുരസ്കാരത്തിന് മൈൽ സെവൻ ഡെസേർട്ടിന്റെ സീഷൻ നൗഷാദ് അർഹനായി.
എബിസി ഗ്രൂപ്പ് സ്ഥാപകനും മാനേജിംഗ് ഡയറക്ടറുമായ മുഹമ്മദ് മദനി ടൂർണമെന്റ് ഉദ്ഘാടനം ചെയ്തു. യുഎഇ വാർത്ത ഫൗണ്ടർ അനൂപ് കീച്ചേരി മുഖ്യാതിഥിയായി. ആങ്കർ ലിങ്ക് ഷിപ്പിംഗ് മാനേജിംഗ് ഡയറക്ടർ അനസ് മുഹമ്മദ്, സ്പീഡ് പാർട്സ് മാനേജിംഗ് ഡയറക്ടർ മൊയ്തീൻ കുട്ടി, ഫോൺ ഹബ്‌ ചെയർമ്മാൻ അഷ്രഫ്‌, ഉപദേശക സമിതി അംഗങ്ങളായ കെഎൻ ഇബ്രാഹിം, പ്രദീപ്‌, പ്രഭാകരൻ, കെ അബ്ദുള്ള എന്നിവർ വിശിഷ്ടാതിഥികളായി പങ്കെടുത്തു.
മൈൽ സെവൻ പ്രസിഡന്റ് റഷീദ് മായിൻ അധ്യക്ഷത വഹിച്ചു. ജനറൽ സെക്രട്ടറി എം.പി. അമീർ സ്വാഗതവും ട്രഷറർ ബഷീർ കെ നന്ദിയും രേഖപ്പെടുത്തി.
ജേതാക്കൾക്കുമുള്ള പുരസ്കാരങ്ങൾ ടൂർണ്ണമന്റ്‌ കമ്മിറ്റി ചെയർമ്മാൻ കെവി നൗഷാദ്, കൺവീനർ ഫവാസ്‌, ആങ്കർ ലിങ്ക് ഷിപ്പിംഗ് എം.ഡി അനസ് മുഹമ്മദ്, ഹൈലാൻഡ് ഗ്രൂപ്പ് എം.ഡി ജുബൈദ്‌ കെ, ലിൽപോപ്സ് ചെയർമാൻ സിറാജ് മലിക്കൻ, റിനോഫിറ്റ് എം.ഡി സജീർ ഇബ്രാഹിം, അൽമാസ് ഗ്രൂപ്പ് ചെയർമാൻ ഷിഹാബ് കണ്ടു, സ്കൈസ്റ്റീം പ്രതിനിധി ഖലീൽ, ടിഎഫ്ജി ജിം എം.ഡി ദിൽഷാദ്, മോഡേൺ ഗ്രൂപ്പ് ചെയർമാൻ സഫീർ, ലോഞ്ച് ബിസിനസ്സ്‌ സൊലൂഷൻ പ്രതിനിധി ഷരീഫ്, ടീ പോട്ട്‌ ഡയറക്ടർ കോവ ശിഹാബ്‌, മൈൽസെവൻ സ്പോർട്സ് വിംഗ്‌ കൺവീനർ മൻസൂർ, ഗേറ്റ്‌ ജനറൽ സെക്രട്ടറി പിപി അഫ്സൽ എന്നിവർ വിതരണം ചെയ്തു.
കായിക സൗഹൃദവും കൂട്ടായ്മയുടെ ഐക്യവും വിളിച്ചോതിയ അഞ്ചാമത് മൈൽ സെവൻ ഫുട്ബോൾ ഫെസ്റ്റ് പങ്കാളിത്തം കൊണ്ടും സംഘാടന മികവുകൊണ്ടും ശ്രദ്ധേയമായി.
