ദുബൈ: ദുബായിലെ വിസാ സേവനങ്ങൾക്കുള്ള ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് – ദുബായ്
(GDRFA Dubai) ഈദുൽ ഫിത്വർ അവധിക്കാലത്തെ ഔദ്യോഗിക പ്രവർത്തന സമയങ്ങൾ പ്രഖ്യാപിച്ചു. അവധിക്കാലത്തും സേവനങ്ങൾ തടസ്സമില്ലാതെ ലഭ്യമാക്കുന്നതിനായി സർവീസ് സെന്ററുകളും ഡിജിറ്റൽ സംവിധാനങ്ങളും സജീവമാക്കുമെന്ന് അധികൃതർ വ്യക്തമാക്കി.
2026 മാർച്ച് 19 വ്യാഴാഴ്ച മുതൽ ഔദ്യോഗിക അവധി ആരംഭിക്കുകയും മാർച്ച് 23 തിങ്കളാഴ്ച മുതൽ സാധാരണ പ്രവർത്തനം പുനരാരംഭിക്കുകയും ചെയ്യും.
ദുബായ് അന്താരാഷ്ട്ര വിമാനത്താവളം – ടെർമിനൽ 3 – ലെ ആഗമന ഭാഗത്തെ കസ്റ്റമർ ഹാപ്പിനസ് സെന്റർ ആഴ്ചയിൽ ഏഴു ദിവസവും 24 മണിക്കൂറും പ്രവർത്തിച്ച് യാത്രക്കാരുടെയും ഉപഭോക്താക്കളുടെയും ആവശ്യങ്ങൾ നിറവേറ്റും.
അൽ മനാര സെന്ററിലെ സെന്റർ രാവിലെ 8 മുതൽ ഉച്ചയ്ക്ക് 1 വരെ ദിവസേന പ്രവർത്തിക്കും.വെള്ളിയാഴ്ചകളിൽ സമയം രാവിലെ 8 മുതൽ ഉച്ചയ്ക്ക് 12 വരെയായിരിക്കും.
അൽ അവീറിലെ പൊതു സേവന വിഭാഗം ഫോളോ-അപ്പ് വകുപ്പ്
രാവിലെ 7 മുതൽ വൈകിട്ട് 6 വരെ പ്രവർത്തിക്കും. വെള്ളിയാഴ്ചകളിൽ രാവിലെ 7 മുതൽ 11 വരെ, തുടർന്ന് ഉച്ചയ്ക്ക് 1 മുതൽ വൈകിട്ട് 6 വരെ സേവനം ലഭ്യമാകും.ഉപഭോക്താക്കൾക്ക് സേവനങ്ങൾ എളുപ്പത്തിൽ ലഭ്യമാക്കാൻ GDRFA DXB സ്മാർട്ട് ആപ്പ്, DubaiNow ആപ്പ്, ഔദ്യോഗിക വെബ്സൈറ്റ് എന്നിവ ഉപയോഗിക്കാൻ അധികൃതർ നിർദേശിച്ചു.കൂടാതെ, 8005111 എന്ന ടോൾ-ഫ്രീ നമ്പറിൽ പ്രവർത്തിക്കുന്ന Amer കോൾ സെന്റർ 24 മണിക്കൂറും സേവനം നൽകും.ഈ അവസരത്തിൽ, ജി ഡി ആർ എഫ് എ ദുബൈ ഏവർക്കും ഈദുൽ ഫിത്വർ ആശംസകൾ നേർന്നു.
