ദുബായ് : ദുബായ് ഇന്ത്യൻ കോൺസുലേറ്റുമായി സഹകരിച്ച് അസോസിയേഷൻ ഓഫ് കേരള മെഡിക്കൽ & ഡെന്റൽ ഗ്രാജുവേറ്റ്സ് (എ.കെ.എം.ജി എമിറേറ്റ്സ്) നടപ്പിലാക്കുന്ന ഗ്രീഷ്മകാല സാമൂഹിക സേവന പ്രവർത്തനമായ “ബീറ്റ് ദ ഹീറ്റ്” ഹീറ്റ് സ്ട്രോക്ക് അവബോധ ക്യാംപെയ്ൻ ദുബായിലും ഷാർജയിലും നടന്നു.
സ്ത്രീ ശാക്തീകരണത്തിന്റെ ഭാഗമായി ഓഗസ്റ്റ് 2-ന് സോണാപൂരിലെ ജെംസ് ലേഡീസ് ക്യാംപിൽ നടന്ന “ബീറ്റ് ദ ഹീറ്റ്” ആരോഗ്യ ബോധവൽക്കരണ ക്യാംപെയിനിൽ ഇന്ത്യൻ കോൺസുലേറ്റിലെ വൈസ് കോൺസുൾ ശ്രീമതി സച്ചി ജയിൻ പങ്കെടുത്തു.
എ.കെ.എം.ജി എമിറേറ്റ്സ് പ്രസിഡന്റ് ഡോ. സുഗു മലയിൽ കോശി ഉദ്ഘാടനം നിർവഹിച്ചു. ഡോ. അർച്ചന നായർ അവബോധന ക്ലാസുകൾക്ക് നേതൃത്വം നൽകി. എ.കെ.എം.ജി റീജിനൽ ചെയർ ഡോ. നിത സലാം കൃതജ്ഞത അറിച്ചു.
ഡോക്ടർമാരായ ഫിറോസ് ഗഫൂർ, ജമാലുദ്ദീൻ അബുബക്കർ, സാജിദ അഷ്റഫ്, പങ്കജം ഇന്ദ്രജിത്ത്, നയീം മൊയ്തീൻ, ഷമീന സുബൈദ തുടങ്ങിയ വർ ക്യാംപിന് നേതൃത്വം നൽകി.
ഷാർജ ഖാൻ സാഹിബ് ക്യാംപിൽ നടന്ന “ബീറ്റ് ദ ഹീറ്റ്”, സി.പി.ആർ. അവബോധന ക്ലാസുകൾക്ക് ഡോക്ടർമാരായ സബീന അലി, സജിത പ്രസാദ്, ജോ ജോസഫ്, ഷാജു ഫിലിപ്പ്, ജ്വാല തോമസ്, സാജിത അഷ്റഫ്, അലി അക്ബർ തുടങ്ങിയവർ നേതൃത്വം നൽകി.
കടുത്ത വേനലിൽ തുറന്ന സ്ഥലങ്ങളിൽ ജോലി ചെയ്യുന്ന തൊഴിലാളികളിൽ ഹീറ്റ് സ്ട്രോക്ക് ഉൾപ്പെടെയുള്ള താപസംബന്ധമായ അസുഖങ്ങളെക്കുറിച്ചുള്ള അവബോധം വർധിപ്പിക്കുക, അവ തടയുന്നതിനുള്ള മാർഗങ്ങൾ പ്രചരിപ്പിക്കുക, സുരക്ഷിതമായ തൊഴിൽ സാഹചര്യങ്ങൾ പ്രോത്സാഹിപ്പിക്കുക, അത്യാവശ്യ സാഹചര്യങ്ങളിൽ സി.പി.ആർ. പോലുള്ള ജീവൻരക്ഷാ നടപടികളെക്കുറിച്ചുള്ള അവബോധം നൽകുക എന്നിവയാണ് ക്യാംപെയിന്റെ പ്രധാന ലക്ഷ്യങ്ങൾ. അടുത്ത ആഴ്ചകളിൽ യു.എ.ഇയിലെ വിവിധ ലേബർ ക്യാംപുകളിലും ജോലി സ്ഥലങ്ങളിലുമായി ഈ പ്രവർത്തനങ്ങൾ തുടരും.
യു.എ.ഇ. സർക്കാരിന്റെ “ഇയർ ഓഫ് ദ കമ്മ്യൂണിറ്റി”, “ഇയർ ഓഫ് ദ ഫാമിലി” എന്നീ പദ്ധതികളോടുള്ള ഐക്യദാർഢ്യം പ്രകടിപ്പിക്കുന്നതിനും ഈ ക്യാംപെയിൻ ലക്ഷ്യമിടുന്നതായി സംഘാടകർ അറിയിച്ചു.
