ദുബായ്: ജൂലൈ 27, 2026: യു.എ.ഇയിലെ പ്രമുഖ ജീവകാരുണ്യ സംഘടനയായ ബൈത്തുൽ ഖൈര് സൊസൈറ്റി, കഴിഞ്ഞ വിശുദ്ധ റമദാൻ മാസത്തിൽ യു.എ.ഇലുടനീളം നടത്തിയ വിപുലമായ ഇഫ്താർ ഭക്ഷണ വിതരണ പദ്ധതിക്ക് ഭക്ഷ്യ പാക്കേജിങ് വിതരണ പിന്തുണ നൽകിയതിന് പ്രമുഖ പാക്കേജിംഗ് കമ്പനിയായ ഹോട്ട്പാക്കിന് അംഗീകാരം.
സമൂഹവുമായി അർഥവത്തായ ഇടപെടലിലൂടെ ജനങ്ങളുടെ ദൈനംദിന ജീവിതത്തിൽ ഗുണപരമായ മാറ്റങ്ങൾ സൃഷ്ടിക്കുക എന്ന ലക്ഷ്യത്തോടെ നടപ്പാക്കുന്ന ‘ഹോട്ട്പാക്ക് ഹാപ്പിനസ്: ഷെയറിംഗ് സ്മൈൽസ്’ സാമൂഹിക ഉത്തരവാദിത്ത പദ്ധതിയുടെ ഭാഗമായാണ് ഹോട്ട്പാക്ക് ഈ സംരംഭത്തിൽ പങ്കാളിയായത്.
കഴിഞ്ഞ റമദാൻ മാസത്തിൽ ബൈത്തുൽ ഖൈർ സൊസൈറ്റി സംഘടിപ്പിച്ച ‘ഫീഡിംഗ് ദ ഫാസ്റ്റിംഗ്’ പദ്ധതിയുടെ ഭാഗമായി നോമ്പുതുറ വിഭവങ്ങൾ വിതരണം ചെയ്യുന്നതിനാവശ്യമായ ഭക്ഷ്യ പാക്കേജിംഗ് ഉൽപ്പന്നങ്ങളാണ് ഹോട്ട്പാക്ക് നൽകിയത്. ഇതിലൂടെ മാസം മുഴുവൻ ഇഫ്താർ ഭക്ഷണങ്ങൾ സുരക്ഷിതമായും കാര്യക്ഷമമായും വിതരണം ചെയ്യാൻ സാധിച്ചതായി കമ്പനി അറിയിച്ചു.
റമദാന് മാസത്തില് ബെയ്ത് അല് ഖൈര് സൊസൈറ്റി വിജയകരമായി പൂര്ത്തിയാക്കിയ “ഫീഡിംഗ് ദ ഫാസ്റ്റിംഗ്” കാമ്പെയ്നിന്റെ ഭാഗമായി, മാസം മുഴുവന് ഇഫ്താര് ഭക്ഷണ വിഭവങ്ങൾ വിതരണം ചെയ്യുന്നതിനാവശ്യമായ ഭക്ഷ്യ പാക്കേജിംഗ് ഉൽപ്പന്നങ്ങളാണ് ഹോട്ട്പാക്ക് നൽകിയത്.
“വിശുദ്ധ റമദാൻ മാസത്തിൽ ബെയ്ത് അൽ ഖൈർ സൊസൈറ്റിയുടെ ദൈനംദിന ഇഫ്താർ ഭക്ഷണ വിതരണത്തിന് സുരക്ഷിതവും കാര്യക്ഷമവുമായ പിന്തുണ നൽകാൻ കഴിഞ്ഞത് അഭിമാനകരമാണ്. അതിലും പ്രധാനമായി, ഹോട്ട്പാക്ക് ജീവനക്കാർ നേരിട്ടെത്തി സന്നദ്ധസേവനം നടത്തിയതും ഈ പദ്ധതിയുടെ വലിയ പ്രത്യേകതയായിരുന്നു. അവർ ഭക്ഷണം തയ്യാറാക്കുന്നതിനും രാജ്യത്തുടനീളമുള്ള നൂറുകണക്കിന് ഇഫ്താർ ടെന്റുകളിൽ നോമ്പുകാർക്ക് ഭക്ഷണം വിതരണം ചെയ്യുന്നതിനും പദ്ധതിയുടെ വിവിധ ലോജിസ്റ്റിക് പ്രവർത്തനങ്ങൾക്കും സജീവമായി നേതൃത്വം നൽകി,” ഹോട്ട്പാക്ക് ഗ്രൂപ്പ് എക്സിക്യൂട്ടീവ് ഡയറക്ടർ സൈനുദ്ദീൻ പി.ബി. പറഞ്ഞു.
ബൈത്തുൽ ഖൈർ സൊസൈറ്റിയുമായുള്ള സഹകരണം വർഷങ്ങളായി കൂടുതൽ ശക്തമായിക്കൊണ്ടിരിക്കുകയാണെന്നും, കരുണയോടെയും മാന്യതയോടെയും ജനങ്ങളിലേക്ക് സഹായം എത്തിക്കുക എന്ന ഒരേ ലക്ഷ്യമാണ് ഇരു സ്ഥാപനങ്ങളെയും ഒരുമിപ്പിക്കുന്നതെന്നും സൈനുദ്ദീൻ പറഞ്ഞു. ഈ അംഗീകാരത്തിന് നന്ദി അറിയിച്ച അദ്ദേഹം, സമൂഹത്തിൽ ദീർഘകാല ഗുണപരമായ മാറ്റം സൃഷ്ടിക്കുന്ന പദ്ധതികൾക്ക് തുടർന്നും പിന്തുണ നൽകുമെന്ന് വ്യക്തമാക്കി.
കരുണ, ഔദാര്യം, ഐക്യം എന്നീ മൂല്യങ്ങൾ ഉയർത്തിപ്പിടിച്ച ഈ പദ്ധതിയിൽ റമദാൻ മാസത്തിൽ വിവിധ സമൂഹങ്ങളിൽ നിന്നുള്ള ആയിരക്കണക്കിന് ആളുകൾ പങ്കാളികളായി. യു.എ.ഇയിലുടനീളമുള്ള ബെയ്ത് അൽ ഖൈർ സൊസൈറ്റിയുടെ 97 ഭക്ഷണ വിതരണ കേന്ദ്രങ്ങളിലൂടെയും 18 റമദാൻ ടെന്റുകളിലൂടെയും വിശുദ്ധ റമദാൻ മാസത്തിൽ 16 ലക്ഷത്തിലധികം സൗജന്യ ഇഫ്താർ ഭക്ഷണങ്ങളാണ് നോമ്പുകാർക്ക് വിതരണം ചെയ്തത്.
റമദാനിൽ മാത്രമല്ല, യു.എ.ഇയിലെ വിവിധ സമൂഹങ്ങളിൽ ഗുണപരമായ മാറ്റം സൃഷ്ടിക്കുന്ന നിരവധി സംരംഭങ്ങളിൽ വർഷങ്ങളായി ഹോട്ട്പാക്കും ബെയ്ത് അൽ ഖൈർ സൊസൈറ്റിയും ഒരുമിച്ച് പ്രവർത്തിച്ചുവരികയാണ്. ഉൽപ്പന്നങ്ങൾ സംഭാവന ചെയ്യൽ, പാക്കേജിംഗ് പരിഹാരങ്ങൾ ലഭ്യമാക്കൽ, ജീവനക്കാരുടെ സന്നദ്ധ സേവനം, വിവിധ ജീവകാരുണ്യ പ്രവർത്തനങ്ങൾ എന്നിവയിലൂടെ ഈ സഹകരണം ആയിരക്കണക്കിന് ആളുകൾക്ക് പ്രയോജനകരമായിട്ടുണ്ട്.
സമൂഹത്തിന് യഥാർഥത്തിൽ ആവശ്യമായ മേഖലകളിൽ സഹായം എത്തിക്കുകയും, സമൂഹത്തെ കൂടുതൽ ശക്തിപ്പെടുത്തുകയും, ജനങ്ങളുടെ ജീവിതത്തിൽ ഗുണപരമായ മാറ്റങ്ങൾ സൃഷ്ടിക്കുകയും ചെയ്യുന്ന പദ്ധതികൾക്കായി ലാഭേച്ഛയില്ലാത്ത സംഘടനകളുമായും സാമൂഹിക പങ്കാളികളുമായും സഹകരിച്ച് പ്രവർത്തിക്കുന്നത് തുടരുമെന്ന് ഹോട്ട്പാക്ക് അറിയിച്ചു.
