അബുദാബി: യുഎഇയിലെ അനാഥകുട്ടികളുടെ വിദ്യാഭ്യാസവും ആരോഗ്യപരിരക്ഷയും സാമൂഹിക ശാക്തീകരണവും ഉറപ്പാക്കുന്നതിനായി നടപ്പാക്കുന്ന ‘മദർ ഓഫ് ദ നേഷൻ എൻഡോവ്മെന്റ് ഫോർ ഓർഫൻസ്’ പദ്ധതിയിലേക്ക് 15 കോടി ദിർഹം (ഏകദേശം 371 കോടി രൂപ) സംഭാവന നൽകി ലുലു ഗ്രൂപ്പ് ചെയർമാൻ M. A. Yusuff Ali.
യുഎഇ പ്രസിഡന്റ് Sheikh Mohamed bin Zayed Al Nahyanയുടെ പ്രത്യേക താൽപര്യപ്രകാരം അബുദാബി ഔഖാഫ് നേതൃത്വം നൽകുന്ന പദ്ധതിയാണ് ‘മദർ ഓഫ് ദ നേഷൻ എൻഡോവ്മെന്റ് ഫോർ ഓർഫൻസ്’. അനാഥരായ കുട്ടികൾക്ക് മികച്ച വിദ്യാഭ്യാസം, ഗുണമേന്മയുള്ള ആരോഗ്യപരിരക്ഷ, സാമൂഹിക സംരക്ഷണം എന്നിവ ഉറപ്പാക്കുകയും അവരുടെ കഴിവുകൾ വികസിപ്പിച്ച് മികച്ച ഭാവി സൃഷ്ടിക്കുകയുമാണ് പദ്ധതിയുടെ പ്രധാന ലക്ഷ്യം.
അബുദാബി ആസ്ഥാനമായി 52 വർഷമായി പ്രവർത്തിച്ചുവരുന്ന തനിക്ക് ഈ മഹത്തരമായ പദ്ധതിയുടെ ഭാഗമാകാൻ കഴിഞ്ഞത് വലിയ അഭിമാനമാണെന്ന് എം.എ. യൂസഫലി പറഞ്ഞു. യുഎഇയുടെ ജീവകാരുണ്യ പ്രവർത്തനങ്ങളുടെ മഹത്വം എടുത്തുകാട്ടുന്നതാണ് ഈ പദ്ധതി എന്നും അദ്ദേഹം വ്യക്തമാക്കി.
രാജ്യപിതാവായ Sheikh Zayed bin Sultan Al Nahyan മുന്നോട്ടുവച്ച മാനുഷിക മൂല്യങ്ങളുടെയും ജീവകാരുണ്യത്തിന്റെയും പാതയും, രാഷ്ട്രമാതാവായി വിശേഷിപ്പിക്കപ്പെടുന്ന Fatima bint Mubarakയുടെ കരുണയും സഹാനുഭൂതിയും പ്രതിഫലിപ്പിക്കുന്നതാണീ പദ്ധതി എന്നും യൂസഫലി കൂട്ടിച്ചേർത്തു.
അബുദാബി ഔഖാഫിന്റെ മേൽനോട്ടത്തിൽ പ്രത്യേക നിക്ഷേപ സംവിധാനത്തിലൂടെയാണ് പദ്ധതി നടപ്പാക്കുന്നത്. സഹായം അർഹരായ കുട്ടികളിലെത്തുന്നുവെന്ന് ഉറപ്പാക്കാൻ പ്രത്യേക നിരീക്ഷണ സംവിധാനവും സജ്ജമാണ്. രാജ്യത്തെ എല്ലാ കുട്ടികൾക്കും മികച്ച വിദ്യാഭ്യാസവും അടിസ്ഥാന സൗകര്യങ്ങളും ഉറപ്പാക്കുക എന്ന ലക്ഷ്യത്തോടെ, ദാനധർമ്മവും സഹിഷ്ണുതയും അധിഷ്ഠിതമായ ഒരു സമൂഹം കെട്ടിപ്പടുക്കുന്നതിനുള്ള പ്രധാന സംരംഭമാണ് ഈ പദ്ധതി.
English Summary:
Lulu Group Chairman M. A. Yusuff Ali has donated AED 150 million (approximately ₹371 crore) to the “Mother of the Nation Endowment for Orphans” initiative in Abu Dhabi. The project, launched under the patronage of UAE President Sheikh Mohamed bin Zayed Al Nahyan and led by Abu Dhabi Awqaf, aims to support orphaned children by ensuring quality education, healthcare, and social empowerment. The initiative reflects the humanitarian vision of Sheikh Zayed bin Sultan Al Nahyan and the compassionate legacy of Fatima bint Mubarak, reinforcing the UAE’s commitment to charitable and social welfare development.
