ദുബായ്: ഗൾഫ് മേഖലയിലെ നിലവിലുള്ള സംഘർഷാവസ്ഥയുടെ പശ്ചാത്തലത്തിൽ കുട്ടികളിൽ മാനസിക ആശങ്കകളും ഭീതിയും വർധിക്കുന്ന സാഹചര്യത്തിൽ, രക്ഷാകർത്താക്കൾക്ക് അവ തിരിച്ചറിയാനും ഫലപ്രദമായി കൈകാര്യം ചെയ്യാനും സഹായിക്കുന്നതിനായി മോഡൽ സർവീസ് സൊസൈറ്റി (MSS) ഓൺലൈൻ അവബോധ ക്ലാസ് സംഘടിപ്പിക്കുന്നു. Crink App സഹകരണത്തോടെ മാർച്ച് 29-ന് ഞായറാഴ്ച വൈകിട്ട് 8:30-നാണ് പരിപാടി നടക്കുന്നത്.
പ്രമുഖ സൈക്കോളജിസ്റ്റുകളായ Maryam Vidhu Vijayan, Alita Anna Abraham എന്നിവർ ക്ലാസിന് നേതൃത്വം നൽകും. കുട്ടികളിൽ കാണുന്ന മാനസിക സമ്മർദ്ദത്തിന്റെ ലക്ഷണങ്ങൾ, ആശങ്കകളെ കുറയ്ക്കാനുള്ള മാർഗങ്ങൾ, രക്ഷാകർത്താക്കളുടെ ഇടപെടൽ രീതികൾ എന്നിവ ക്ലാസിൽ വിശദമായി അവതരിപ്പിക്കുമെന്ന് സംഘാടകർ അറിയിച്ചു.
താൽപര്യമുള്ളവർക്ക് നൽകിയിരിക്കുന്ന ലിങ്ക് വഴി മുൻകൂർ രജിസ്ട്രേഷൻ നടത്താവുന്നതാണ്:
https://app.mssgulf.org/e/crink-mss
കൂടുതൽ വിവരങ്ങൾക്ക്: 054 735 2524 എന്ന നമ്പറിൽ ബന്ധപ്പെടാം.
