ദുബായ് ഫിറ്റ്നസ് ചലഞ്ചിന്റെ പത്താം പതിപ്പിന്റെ ഭാഗമായി ഷെയ്ഖ് സായിദ് റോഡിൽ നടന്ന എട്ടാമത് ദുബായ് റണ്ണിൽ 5, 10 കിലോമീറ്റർ റൂട്ടുകളിലായി വൻ ജനപങ്കാളിത്തം.
ദുബായ് — ദുബായ് ഫിറ്റ്നസ് ചലഞ്ചിന്റെ പത്താം പതിപ്പിന്റെ ഭാഗമായി സംഘടിപ്പിച്ച എട്ടാമത് ദുബായ് റണ്ണിൽ 3.10 ലക്ഷത്തിലധികം പേർ പങ്കെടുത്തു. ഷെയ്ഖ് സായിദ് റോഡിലായിരുന്നു വൻ ജനപങ്കാളിത്തത്തോടെ ദുബായ് റൺ 2026 അരങ്ങേറിയത്.



റെക്കോർഡ് പങ്കാളിത്തത്തോടെ നടന്ന പരിപാടി കായിക വിനോദങ്ങളുടെ ആഗോള കേന്ദ്രമെന്ന നിലയിൽ ദുബായിയുടെ സ്ഥാനം കൂടുതൽ ശക്തിപ്പെടുത്തി. 5 കിലോമീറ്റർ, 10 കിലോമീറ്റർ എന്നിങ്ങനെ രണ്ട് റൂട്ടുകളിലായാണ് പങ്കാളികൾ ഓടിയത്.



എമിറേറ്റിലെ പ്രമുഖ ലാൻഡ്മാർക്കുകളിലൂടെ കടന്നുപോകുന്ന റൂട്ടുകൾ ദുബായിയുടെ നഗരസൗന്ദര്യവും കായിക ആവേശവും ഒരുമിച്ച് അനുഭവിക്കാനുള്ള അവസരമായി.












