സാഹിത്യശേഷി വളർത്താൻ പ്രത്യേക സംരംഭം; മേയ് 15 വരെ എൻട്രികൾ ക്ഷണിക്കുന്നു
ദുബായ്: യു.എ.ഇയിലെ സ്കൂൾ വിദ്യാർത്ഥികളിൽ സൃഷ്ടിപരമായ എഴുത്ത് കഴിവുകൾ വളർത്തുന്നതിനായി അക്കാഫ് ഇവന്റ്സ് സാഹിത്യ വിഭാഗം ഇംഗ്ലീഷ് ഭാഷയിൽ ചെറുകഥാ മത്സരം സംഘടിപ്പിക്കുന്നു. അഞ്ചാം ക്ലാസ് മുതൽ പ്ലസ് ടു വരെയുള്ള വിദ്യാർത്ഥികൾക്ക് പങ്കെടുക്കാവുന്ന രീതിയിലാണ് മത്സരം ക്രമീകരിച്ചിരിക്കുന്നത്.
അഞ്ചാം ക്ലാസ് മുതൽ എട്ടാം ക്ലാസ് വരെയുള്ളവർക്ക് ജൂനിയർ വിഭാഗത്തിലും, ഒൻപതാം ക്ലാസ് മുതൽ പ്ലസ് ടു വരെയുള്ളവർക്ക് സീനിയർ വിഭാഗത്തിലും മത്സരത്തിൽ പങ്കെടുക്കാം. ഓരോ വിഭാഗത്തിലുമുള്ള വിദ്യാർത്ഥികളുടെ മൗലികമായ (Original) രചനകളാണ് പരിഗണിക്കുക. കഥകൾക്ക് പ്രത്യേകമായ വിഷയപരിധി നിശ്ചയിച്ചിട്ടില്ലെന്നത് മത്സരത്തെ കൂടുതൽ സൃഷ്ടിപരമാക്കുന്നു.
എന്നാൽ, യു.എ.ഇയിലെ നിയമങ്ങളും സംസ്കാരപരമായ മാനദണ്ഡങ്ങളും പാലിക്കുന്ന രീതിയിലുള്ള ഭാഷയും അവതരണവും നിർബന്ധമാണെന്ന് സംഘാടകർ അറിയിച്ചു. മികച്ച രചനകൾക്ക് ഓരോ വിഭാഗത്തിലും പ്രത്യേകം ക്യാഷ് അവാർഡുകളും പുരസ്കാരങ്ങളും നൽകും.
മത്സരത്തിൽ പങ്കെടുക്കാൻ ആഗ്രഹിക്കുന്ന വിദ്യാർത്ഥികൾ അവരുടെ കഥകൾ മേയ് 15-നകം സമർപ്പിക്കണം. കൂടുതൽ വിവരങ്ങൾക്കായി സംഘാടകരുമായി ബന്ധപ്പെടാവുന്നതാണ്.
ബന്ധപ്പെടാൻ:
അക്ബർ ആലിക്കര – 050 799 3524
രാഖി രമണൻ – 056 303 2667
ഇമെയിൽ: literaryclub@akcafuae.com
