ദുബായ്: പേപ്പർ രഹിത ഡിജിറ്റൽ പ്രവർത്തനങ്ങൾ വിജയകരമായി നടപ്പാക്കിയതിന് ക്യൂബ് ഇന്നൊവേറ്റേഴ്സ് ടെക്നോളജീസ് LLCയുടെ ‘ഗോ ഗ്രീൻ സസ്റ്റെയിനബിലിറ്റി റെക്കഗ്നിഷൻ’ പുരസ്കാരം നെസ്റ്റോ ഗ്രൂപ്പിന് ലഭിച്ചു.
എച്ച്ആർ, ഫിനാൻസ്, സ്റ്റോർസ്, ബാക്ക് ഓഫീസ് വിഭാഗങ്ങളിലായി 3.3 കോടി രേഖകൾ ഡിജിറ്റലൈസ് ചെയ്തതിലൂടെ പേപ്പർ, പ്രിന്റിംഗ്, സംഭരണച്ചെലവുകൾ 80 ശതമാനം വരെ കുറയ്ക്കാനും, രേഖകൾ കൈകാര്യം ചെയ്യുന്ന സമയം 65 ശതമാനം വരെ ലാഭിക്കാനും നെസ്റ്റോയ്ക്ക് സാധിച്ചു.
പേപ്പർ രഹിത സംവിധാനത്തിലൂടെ പ്രതിവർഷം 15 ലക്ഷം പേപ്പർ ഷീറ്റുകളുടെ ഉപയോഗം ഒഴിവാക്കുന്നതായും, പുനരുപയോഗിക്കാവുന്ന ബാഗുകൾ, സോളാർ വെയർഹൗസ്, പ്രാദേശിക കാർഷിക ഉൽപ്പന്നങ്ങളുടെ പ്രോത്സാഹനം, INAAM ആപ്പിലെ ഇ-റസീറ്റ് തുടങ്ങിയ ഹരിത പദ്ധതികളും കമ്പനി നടപ്പാക്കുന്നുണ്ടെന്നും അധികൃതർ അറിയിച്ചു.
