കേരള വിഷൻ പബ്ലിക്കേഷൻസ് പുറത്തിറക്കിയ പ്രമുഖ മാധ്യമ പ്രവർത്തകരായ നവാസ് മേത്തർ, ഷംനാദ് പുതുശ്ശേരി എന്നിവർ രചിച്ച
ആ കാറും ഏഴു മരണവും,
വിശുദ്ധൻ്റെ കുമ്പസാരം എന്നീ പുസ്തകങ്ങളുടെ പ്രകാശനം നാൽപ്പത്തിയഞ്ചാമത് ഷാർജ അന്താരാഷ്ട്ര പുസ്തകമേളയിൽ നടന്നു.
ഷാർജ എക്‌സ്പോ സെൻ്റർ റൈറ്റേഴ്‌സ് ഫോറത്തിൽ യു എ ഇ യിലെ പ്രമുഖ ചിത്രകാരനും ആർഡെക്കോ ചെയർമാനും റോയൽ ഫാമിലി അംഗവുമായ ഷെയ്ക്ക് അലി അൽ മുല്ല പുസ്തകങ്ങളുടെ പ്രകാശനം നിർവ്വഹിച്ചു. കൈരളി പബ്ലിക്കേഷൻസ് പുറത്തിറക്കിയ
കണ്ണൂർ വിഷൻ അവതാരകൻ കൂടിയായ നവാസ് മേത്തുടെ പ്രഥമ പുസ്തകമായ ആ താലി മാല തേടി ആരും വന്നില്ല എന്ന പുസ്‌തകത്തിൻ്റെ ആറാം പതിപ്പിൻ്റെ പ്രകാശനവും ചടങ്ങിൽ നടന്നു.
കണ്ണൂർ ഇൻ്റർനാഷണൽ എയർപോർട്ട് ഡയറക്ടർ
ഡോ. എം.പി ഹസ്സൻകുഞ്ഞി, അൽ- മദീന ഗ്രൂപ്പ് ചെയർമാൻ അബ്ദുള്ള പൊയിൽ,
മലബാർ ഗ്രൂപ്പ് ഡയറക്ടർ എ.കെ ഫൈസൽ,
യു എ ഇ യിലെ ഇന്ത്യാ ജിസിസി ട്രേഡ് കമ്മീഷണർ അഡ്വ: സുധീർ ബാബു എന്നിവർ പുസ്തകങ്ങൾ ഏറ്റു വാങ്ങി .
മറിയ ഗ്രൂപ്പ് ഫൗണ്ടൻ ആൻ്റ് സിഇഒ ഡോ. ആഷിക് മാമു,
മിഡിൽ ഈസ്റ്റ് യുഎഇ വാർത്ത ചീഫ് എഡിറ്റർ അനൂപ് കീച്ചേരി, വ്യവസായ പ്രമുഖൻ കെ.എൽ .പി യൂസഫ്,സാമൂഹ്യ പ്രവർത്തകൻ പുന്നക്കൻ മുഹമ്മദലി, നോർത്ത് മലബാർ ചേംബർ ഓഫ് കൊമേഴ്സ് മുൻ പ്രസിഡണ്ട് സി. ജയചന്ദ്രൻ ,
ദുബായ് കെ എംസിസി കണ്ണൂർ ജില്ലാ ജനറൽ സെക്രട്ടറി റഹ്ദാദ് മൂഴിക്കര,
ഫാദിൽ ഗ്രൂപ്പ് ചെയർമാൻ അബ്ദുൾ ലത്തീഫ് കെ എസ് എ , ശ്രീഹരി വൈദ്യപീഠം മേൽശാന്തി ശ്രീഹരി ഗിരീഷ് നമ്പൂതിരി എന്നിവർ വിശിഷ്ടാതിഥികളായി പങ്കെടുത്തു.
കൈരളി പബ്ലിക്കേഷൻസ് എംഡി ഒ. അശോക് കുമാർ സ്വാഗതവും
അസോസിയേറ്റ് എഡിറ്റർ
എ.കെ ബിജുരാജ്
നന്ദിയും പറഞ്ഞു
