ഡെപ്യൂട്ടേഷൻ കാലാവധി പൂർത്തിയാക്കി നാട്ടിലേക്ക് മടങ്ങുന്ന മാധ്യമപ്രവർത്തകർക്ക് ഇന്ത്യൻ മീഡിയ ഫോറം യാത്രയയപ്പ് നൽകി.
ദുബായ്, യുഎഇ — ഡെപ്യൂട്ടേഷൻ കാലാവധി പൂർത്തിയാക്കി നാട്ടിലേക്ക് മടങ്ങുന്ന മലയാള മനോരമ ദുബായ് ചീഫ് റിപ്പോർട്ടർ മിന്റു പി. ജേക്കബിനും ഏഷ്യാനെറ്റ് ന്യൂസ് മിഡിൽ ഈസ്റ്റ് ബ്യൂറോ ചീഫ് സഹൽ സി. മുഹമ്മദിനും യുഎഇയിലെ ഇന്ത്യൻ മാധ്യമപ്രവർത്തകരുടെ കൂട്ടായ്മയായ ഇന്ത്യൻ മീഡിയ ഫോറം (ഐഎംഎഫ്) യാത്രയയപ്പ് നൽകി.
നാട്ടിൽ തിരിച്ചെത്തുന്ന മിന്റു പി. ജേക്കബ് മലയാള മനോരമ കോഴിക്കോട് ബ്യൂറോയിലും സഹൽ സി. മുഹമ്മദ് ഏഷ്യാനെറ്റ് ന്യൂസ് തിരുവനന്തപുരം ഡെസ്കിലുമാണ് തുടർന്ന് പ്രവർത്തിക്കുക.
ചടങ്ങിൽ ഐഎംഎഫ് കോ-ഓർഡിനേറ്റർ സാദിഖ് കാവിൽ അധ്യക്ഷത വഹിച്ചു. കോ-ഓർഡിനേറ്റർമാരായ ഷിൻസ് സെബാസ്റ്റ്യൻ സ്വാഗതവും അരുൺ പാറാട്ട് നന്ദിയും പറഞ്ഞു. ഇരുവർക്കും കൂട്ടായ്മയുടെ ഉപഹാരം സമ്മാനിച്ചു. മിന്റു പി. ജേക്കബും സഹൽ സി. മുഹമ്മദും യാത്രയയപ്പിന് നന്ദി അറിയിച്ച് മറുപടി പ്രസംഗം നടത്തി.










