ദുബായ് :അലെന്‍ സോളി, ദുബായ് ദെയ്റ സിറ്റി സെന്ററിലെ രണ്ടാം നിലയില്‍ പുതിയ എക്‌സ്‌ക്ലൂസിവ് ഷോറൂം തുറന്നു. 1,830 ചതുരശ്ര അടി വിസ്തൃതിയുള്ള ഷോറൂം, ആദിത്യ ബിര്‍ള ഗ്രൂപ്പിന്റെ ലൈഫ്സ്റ്റൈല്‍ ബ്രാന്‍ഡായ അലെന്‍ സോളിയുടെയും, ഫ്രാഞ്ചൈസി പങ്കാളിയായ കല്യാണ്‍ സില്‍ക്‌സിന്റെയും സഹകരണത്തോടെ നിലവിൽ വന്നു.ഉദ്ഘാടനം ആദിത്യ ബിര്‍ള ലൈഫ്സ്റ്റൈല്‍ ബ്രാന്‍ഡ്‌സ് പ്രസിഡണ്ട് ജേക്കബ് ജോണ്‍, കല്യാണ്‍ സില്‍ക്‌സ് ചെയര്‍മാന്‍ ടി.എസ്. പട്ടാഭിരാമന്‍, എക്‌സിക്യൂട്ടീവ് ഡയറക്ടര്‍ മഹേഷ് പട്ടാഭിരാമന്‍ എന്നിവര്‍ ചേർന്നാണ് നിര്‍വഹിച്ചത്.പുരുഷ, വനിതാ വസ്ത്രങ്ങള്‍, ആകര്‍ഷകമായ ഹാന്‍ഡ് ബാഗുകള്‍, പ്രത്യേക ഡിസൈന്‍ പരിചയമുള്ള ഷോറൂമില്‍ പ്രദര്‍ശിപ്പിച്ചിരിക്കുന്നു. ‘അലെന്‍ സോളി വുമണ്‍’ എന്ന വനിതാ ശേഖരവും ആദ്യമായി ഗൾഫ് വിപണിയിൽ അവതരിപ്പിച്ചു.“ദുബായ് പോലുള്ള ആഗോള റീട്ടെയില്‍ കേന്ദ്രത്തില്‍ പ്രവേശനം ബ്രാന്‍ഡിന്റെ അന്താരാഷ്ട്ര സാന്നിധ്യത്തിനുള്ള വലിയ ചുവടുവയ്പാണ്,” എന്നാണ് ജേക്കബ് ജോണിന്റെ പ്രതികരണം.“ഫാഷന്‍ പ്രേമികളുടെ ഇഷ്ടലക്ഷ്യമായി പുതിയ ഷോറൂം മാറുമെന്ന് ഉറപ്പുണ്ടെന്നും” ടി.എസ്. പട്ടാഭിരാമന്‍ കൂട്ടിച്ചേർത്തു.പാരമ്പര്യത്തെയും ആധുനികതയെയും സംഗമിപ്പിച്ച ഡിസൈനുകളിലൂടെ അലെന്‍ സോളി ഗൾഫ് വിപണിയിലും പുതിയ സാധ്യതകൾ തേടുകയാണ്.
