യുഎഇയുടെ വിവിധ ഭാഗങ്ങളില് മഴ തുടരുന്നു. മോശം കാലാവസ്ഥയുടെ പശ്ചാത്തലത്തില് ഷാര്ജയിലെ സൗജന്യ പാര്ക്കിംഗ് അടുത്ത അറിയിപ്പ് ഉണ്ടാകുന്നതുവരെ നീട്ടി. വരും ദിവസങ്ങളിലും മഴ തുടരുമെന്നാണ് മുന്നറിയിപ്പ്. ജനങ്ങള് അതീവ ജാഗ്രത പാലിക്കണമെന്നും മുന്നറിയിപ്പില് പറയുന്നു.
യുഎഇയില് ഇന്നലെ ആരംഭിച്ച മഴ ഇന്നും തുടരുകയാണ്. ഷാര്ജ, ദുബായ്, അബുദാബി, റാസല്ഖൈമ തുടങ്ങി വിവിധ എമിറേറ്റുകളില് ശക്തമായ മഴയാണ് രേഖപ്പെടുത്തിയത്. തുടര്ച്ചയായി പെയ്ത മഴയെ തുടര്ന്ന് വിവിധ റോഡുകളില് വെള്ളം നിറഞ്ഞു. വാഹനം ഗതാഗതത്തെയും ഇത് ബാധിച്ചു. പലയിടത്തും വലിയ ഗതാഗതക്കുരുക്കും രൂപപ്പെട്ടു. വെള്ളിയാഴ്ച വരെ മഴ തുടരുമെന്ന് ദേശീയ കാലവസ്ഥാ കേന്ദ്രത്തിന്റെ മുന്നറിയിപ്പില് പറയുന്നു. മേശം കാലാവസ്ഥയുടെ പശ്ചാത്തലത്തില് ഷാര്ജയില് ഇന്നലെ ഏര്പ്പെടുത്തിയ സൗജന്യ പാര്ക്കിംഗ് ഇനി ഒരു അറിയിപ്പ് ഉണ്ടാകുന്നതുവരെ തുടരുമെന്ന് അധികൃതര് അറിയിച്ചു.
ഷാര്ജ എമിറേറ്റിലെ എല്ലാ പൊതു പാര്ക്കിങ് ഏരിയകളിലും ഇളവ് ലഭിക്കുമെന്ന് സിറ്റി മുനിസിപ്പാലിറ്റി അറിയിച്ചു. അതിനിടെ സ്മാര്ട്ട് പാര്ക്കിങ് യാര്ഡുകളില് ഇളവ് ലഭിക്കില്ല. കാലാവസ്ഥാ മാറ്റത്തിന്റെ പശ്ചാത്തലത്തില് ജനങ്ങള് തീവ ജാഗ്രത പാലിക്കണമെന്ന് ഡിസാസ്റ്റര് മാനേജ്മെന്റ് ആവശ്യപ്പെട്ടു. താഴ്വരകളില് നിന്നും വെള്ളക്കെട്ടുള്ള പ്രദേശങ്ങളില് നിന്നും പൂര്ണമായും വിട്ടു നില്ക്കണം. വാഹനം ഓടിക്കുന്നവരും പ്രത്യേക ജാഗ്രത പുലര്ത്തണം. വിവിധ എമിറേറ്റുകളിലെ പാര്ക്കുകളും വിനോദ കേന്ദ്രങ്ങളും അടഞ്ഞുകിടക്കുകയാണ്. രാജ്യത്തെ ഏറ്റവും ഉയര്ന്ന പര്വതമായ ജബല് ജെയ്സിലേക്കുള്ള ഗതാഗതവും വിനോദസഞ്ചാര കേന്ദ്രങ്ങളും താല്ക്കാലികമായി അടച്ചു.
മലയോര മേഖലകളില് ശക്തമായ വെള്ളക്കെട്ടിനും മണ്ണിടിച്ചിലിനും സാധ്യതയുള്ളതിനാല് സന്ദര്ശകരുടെ സുരക്ഷ മുന്നിര്ത്തിയാണ് നടപടിയെന്ന് ടൂറിസം വകുപ്പ് അറിയിച്ചു. അസ്ഥിരമായ കാലാവസ്ഥ തുടരുന്ന സാഹചര്യത്തില് മലനിരകളിലേക്കുള്ള യാത്രകള് ഒഴിവാക്കണമെന്നും ഔദ്യോഗിക നിര്ദ്ദേശങ്ങള് കര്ശനമായി പാലിക്കണമെന്നും ദുരന്തനിവാരണ വിഭാഗം ജനങ്ങളോട് ആവശ്യപ്പെട്ടു.
