അജ്മാൻ:റമദാൻ കാർണിവെൽ അജ്മാൻ പൊലീസ് ക്ലബിൽ പ്രഖ്യാപിച്ചു.ഈമാസം 21 മുതൽ മാർച്ച് 19 വരെ നീണ്ടുനിൽക്കുന്നതാണ് കാർണിവെൽ.
അജ്മാൻ പൊലീസ് ക്ലബ് പരിസരത്ത് റമദാനിൽ എല്ലാദിവസം വൈകുന്നേരം ആറ് മുതൽ രാത്രി രണ്ട് വരെയാണ് റമദാൻ കാർണിവെൽ സംഘടിപ്പിക്കുന്നത്. പ്രവാസി കുടുംബങ്ങൾക്ക് റമദാൻ രാവുകൾ കൂടുതൽ ആസ്വാദ്യകരമാക്കുക എന്ന ലക്ഷ്യത്തോടെയാണ് കാർണിവെൽ ഒരുക്കുന്നതെന്ന് അജ്മാൻ പൊലീസ് ക്ലബ് അധികൃതർ പറഞ്ഞു.
150 സ്റ്റാളുകൾ മേളയിലുണ്ടാകും. വിവിധ കായികപരിപാടികൾക്ക് പുറമേ ആകർഷകമായ സമ്മാനങ്ങളും കാർണിവെലിൽ പങ്കെടുക്കുന്നവരെ കാത്തിരിക്കുന്നുണ്ടെന്ന് വെൽത്ത്ഐ ഗ്രൂപ്പ് ചെയർമാൻ
വിഘ്നേഷ് വിജയകുമാർഅറിയിച്ചു,
അജ്മാൻ പൊലീസ് ക്ലബിൽ പണമടച്ച് പങ്കെടുക്കേണ്ട കായികയിനങ്ങളിൽ പലതും കാർണവെൽ കാലത്ത് സൗജന്യമായി ലഭ്യമാക്കുമെന്നും സംഘാടകർ പറഞ്ഞു. വെൽത്ത് ഐയുമായി സഹകരിച്ചാണ് കാർണിവെൽ ഒരുക്കുന്നത്. നടി നേഹ സക്സേന പോലീസ്ക്ലബ് ഉദ്യോഗസ്ഥർ ഗുഡ് എർത്ത് ഈ വൻ്റെ പ്രതിനിധികളും വാർത്താസമ്മേളനത്തിൽ പങ്കെടുത്തു
