അബുദാബി, യുഎഇ: മിഡിൽ ഈസ്റ്റിലെ പ്രമുഖ റീട്ടെയിൽ ശൃംഖലകളിലൊന്നായ അൽ മദീന ഹൈപ്പർമാർക്കറ്റ്, തങ്ങളുടെ ജനപ്രിയ വാർഷിക പ്രമോഷനായ വിന്റർ ഡ്രൈവ് സീസൺ 15 ഔദ്യോഗികമായി അവതരിപ്പിച്ചു. പ്രമോഷന്റെ 15-ാം വാർഷികത്തോടനുബന്ധിച്ച് 2026 ഒക്ടോബർ 22 മുതൽ 2027 ജനുവരി 24 വരെ അബുദാബിയിലെ അൽ മദീനയുടെ 19 ശാഖകളിലും പ്രമോഷൻ നടക്കും. ആറ് ഡോങ്ഫെങ് മേജ് കാറുകൾ ഉൾപ്പെടെ നിരവധി ആകർഷകമായ സമ്മാനങ്ങളാണ് ഉപഭോക്താക്കളെ കാത്തിരിക്കുന്നത്. ഓരോ 15 ദിവസം കൂടുമ്പോഴും ഒരു കാർ നേടാനുള്ള അവസരമുണ്ട്. ഐഫോണുകൾ, ഫ്രിഡ്ജുകൾ, വാഷിങ് മെഷീനുകൾ, ടെലിവിഷനുകൾ തുടങ്ങി നിരവധി സമ്മാനങ്ങളും ലഭിക്കും. 50 ദിർഹത്തിന്റെ പർച്ചേസിലൂടെ ഉപഭോക്താക്കൾക്ക് പ്രമോഷനിൽ പങ്കെടുക്കാം.
വിന്റർ ഡ്രൈവ് സീസൺ 15-ന്റെ ലോഗോ ലോഞ്ച് വ്യത്യസ്തവും നൂതനവുമായ രീതിയിലാണ് സംഘടിപ്പിച്ചത്. ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യ ഉപയോഗിച്ചുള്ള റോബോട്ടിന്റെ സാന്നിധ്യത്തിൽ കമ്പനി ഡയറക്ടർമാരും മുതിർന്ന മാനേജ്‌മെന്റ് പ്രതിനിധികളും ചേർന്ന് ലോഗോ പ്രകാശനം ചെയ്തു. 2026 ഒക്ടോബർ 17-ന് അബുദാബിയിലെ നോവോട്ടൽ അബുദാബി ഗേറ്റ് ഹോട്ടലിൽ നടന്ന വാർത്താസമ്മേളനത്തിൽ മാധ്യമപ്രവർത്തകരുടെ സാന്നിധ്യത്തിലായിരുന്നു ഡിജിറ്റൽ ലോഞ്ച്. വലിയ എൽഇഡി സ്‌ക്രീനിലൂടെ ലോഗോ അവതരിപ്പിച്ചത് ഉപഭോക്താക്കളുമായി സംവദിക്കുന്നതിൽ നൂതന സാങ്കേതികവിദ്യകൾ സ്വീകരിക്കാനുള്ള അൽ മദീനയുടെ സമീപനത്തെ പ്രതിഫലിപ്പിച്ചു.
അൽ മദീന അബുദാബി ഡയറക്ടർമാരായ ശ്രീ. ഷഹബാസ് സലാം, ശ്രീ. ഫൈസ് മുഹമ്മദ് പൊയിൽ, ശ്രീ. മുഹമ്മദ് പി.കെ. എന്നിവർ ചടങ്ങിൽ പങ്കെടുത്തു. അസിസ്റ്റന്റ് ജനറൽ മാനേജർ ശ്രീ. ഷഫീഖ് ഹമീദ്, ഓപ്പറേഷൻസ് മാനേജർ ശ്രീ. ലക്കി രാമചന്ദ്രൻ, പർച്ചേസ് മാനേജർ ശ്രീ. ഷഫീർ കൊളക്കാട്ടിൽ എന്നിവരും സന്നിഹിതരായിരുന്നു.
1971-ൽ സ്ഥാപിതമായ അൽ മദീന ഹൈപ്പർമാർക്കറ്റ് 15 വർഷം മുമ്പ് അൽ റഹയിൽ ആദ്യ സ്റ്റോർ ആരംഭിച്ചുകൊണ്ടാണ് അബുദാബി വിപണിയിൽ പ്രവേശിച്ചത്. ഇന്ന് എമിറേറ്റിലെ വിവിധ പ്രധാന മേഖലകളിലായി 19 ശാഖകളുമായി ഗ്രൂപ്പ് പ്രവർത്തിക്കുന്നു. വിന്റർ ഡ്രൈവ് സീസൺ 15 ഈ വളർച്ചയുടെയും ഉപഭോക്താക്കൾ അർപ്പിച്ച വിശ്വാസത്തിന്റെയും ആഘോഷമാണ്. ഉപഭോക്തൃ വിശ്വസ്തതയെ ആദരിക്കാനും കൂടുതൽ ആകർഷകമായ ഷോപ്പിങ് അനുഭവങ്ങൾ നൽകാനുമുള്ള ഗ്രൂപ്പിന്റെ പ്രതിബദ്ധതയും ഈ പ്രമോഷൻ വ്യക്തമാക്കുന്നു.
വിപുലീകരണ പദ്ധതികളുടെ ഭാഗമായി, അടുത്ത മൂന്ന് മാസത്തിനുള്ളിൽ അബുദാബിയിലെ ഷവാമേഖിൽ 75,000 ചതുരശ്ര അടി വിസ്തീർണമുള്ള ഷോപ്പിങ് മാൾ ആരംഭിക്കാനാണ് അൽ മദീന ഗ്രൂപ്പിന്റെ ലക്ഷ്യം. അൽ മദീന ഹൈപ്പർമാർക്കറ്റ് പ്രധാന സ്റ്റോറായിരിക്കുന്ന മാളിൽ വിവിധ മേഖലകളിൽ നിന്നുള്ള ഏകദേശം 50 റീട്ടെയിൽ സ്ഥാപനങ്ങളും പ്രവർത്തിക്കും. കൂടാതെ, 2027-ന്റെ ആദ്യ പാദത്തിൽ എം.ബി.സെഡ് സിറ്റിയിലും ഷാബൂത്തിലുമായി രണ്ട് പുതിയ ഹൈപ്പർമാർക്കറ്റുകൾ കൂടി തുറക്കാനും പദ്ധതിയുണ്ട്.
നിലവിലുള്ള 19 ശാഖകൾ 2028 അവസാനത്തോടെ 36 ആയി ഉയർത്തുക എന്നതാണ് കമ്പനിയുടെ പ്രധാന ലക്ഷ്യം. തുടർച്ചയായ നിക്ഷേപങ്ങളിലൂടെയും പുതിയ ശാഖകൾ ആരംഭിക്കുന്നതിലൂടെയും കൂടുതൽ ജനവിഭാഗങ്ങളിലേക്ക് സേവനം എത്തിക്കാനും ഷോപ്പിങ് കൂടുതൽ സൗകര്യപ്രദമാക്കാനും അബുദാബിയിലുടനീളം സാന്നിധ്യം ശക്തിപ്പെടുത്താനുമാണ് ഗ്രൂപ്പ് ലക്ഷ്യമിടുന്നത്.
അൽ മദീന ഹൈപ്പർമാർക്കറ്റിനെക്കുറിച്ച്
1971-ൽ സ്ഥാപിതമായ അൽ മദീന ഹൈപ്പർമാർക്കറ്റ് മിഡിൽ ഈസ്റ്റിലെ പ്രമുഖ റീട്ടെയിൽ ശൃംഖലകളിലൊന്നാണ്. വൈവിധ്യമാർന്ന ഉൽപ്പന്നങ്ങളും ഉപഭോക്തൃ കേന്ദ്രീകൃത സേവനങ്ങളും നൽകുന്ന സ്ഥാപനം അബുദാബിയിൽ നിലവിൽ 19 ശാഖകളുമായി പ്രവർത്തിക്കുന്നു. പുതിയ റീട്ടെയിൽ വികസന പദ്ധതികൾ, ഉപഭോക്താക്കൾക്കായുള്ള ആകർഷകമായ പ്രമോഷനുകൾ, നൂതന ഷോപ്പിങ് അനുഭവങ്ങൾ എന്നിവയിലൂടെ കമ്പനി തങ്ങളുടെ സാന്നിധ്യം കൂടുതൽ ശക്തിപ്പെടുത്തുകയാണ്.
