കുടുംബ നീതിമേള നാളെ (ഞായറാഴ്ച)

ദുബായ്: യു എ ഇ യുടെ കുടുംബ വർഷാചരണത്തിന്റെ ഭാഗമായി പ്രവാസികൾക്കായി മോഡൽ സർവീസ് സൊസൈറ്റി
(എം എസ് എസ്) ഉം പ്രവാസി ഇന്ത്യൻ ലീഗൽ സർവീസ് സൊസൈറ്റി (പിൽസ്) ഉം ചേർന്ന് ദുബായ് കമ്മ്യുണിറ്റി ഡെവലപ്മെന്റ്
അതോറിറ്റി (സി ഡി എ) യുടെ അനുമതിയോടെ സംഘടിപ്പിക്കുന്ന സൗജന്യ ‘കുടുംബ നീതിമേള’ 2026 നാളെ (ഞായറാഴ്ച)
രാവിലെ 10 മണി മുതൽ ദുബായ് റാഷിദിയ പേസ് ബ്രിടീഷ് സ്‌കൂളിൽ നടക്കും. സി ഡി എ , ഇന്ത്യൻ കോൺസുലേറ്റ്
പ്രതിനിധികളും, പ്രമുഖ ഇമറാത്തി-ഇന്ത്യൻ അഭിഭാഷകരും, സാംസ്കാരിക സംഘടനാ നേതാക്കളും വിശിഷ്ടാധിതികളായി
പങ്കെടുക്കും.

യു.എ.ഇയിലെ പ്രമുഖ അഭിഭാക്ഷകരും ഹോപ്പ് ഓഫ് ലൈഫ് ടീമിന്റെ വിദഗ്ദ്ധ സൈക്കോളജിസ്റ്റുകളും
കൗൺസിലർമാരും പങ്കെടുക്കുന്ന നീതിമേളയിൽ കുടുംബ നിയമ പ്രശ്നങ്ങൾ, ഗാർഹിക പീഡനം, വൈവാഹിക
നിയമ വിഷയങ്ങൾ,വിവാഹം, വിവാഹ മോചന കേസുകൾ, ജീവനാംശം, വയോജന-ബാല പീഡന കേസുകൾ
കുടുംബ കൗൺസിലിംഗ് & മധ്യസ്ഥത കുട്ടികൾക്കുള്ള കൗൺസിലിംഗ് , മറ്റു പൊതു നിയമ പ്രശ്നങ്ങൾ എന്നിവയിൽ
സാധാരണക്കാർക്ക് സൗജന്യ സേവനം ലഭ്യമാകും. റാഷിദിയ മെട്രോ/ബസ് സ്റ്റേഷനിൽ നിന്നും ബെല്ലോ ട്രാൻസ്‌പോർട്
ഒരുക്കുന്ന സൗജന്യ യാത്ര സൗകര്യവുമുണ്ടാകും.

യു എ ഇ ഗവണ്മെന്റ് 2026 കുടുംബ വർഷമായി ആചരിക്കുന്നതിനാൽ ‘കുടുംബ നീതി മേള’ എന്ന പേരിലാണ്
ഈ വർഷം നീതി മേള നടക്കുക. ആയതിനാൽ കുടുംബ നിയമ പ്രശ്നങ്ങൾ, ഗാർഹിക പീഡനം, വൈവാഹിക നിയമ
വിഷയങ്ങൾ, വിവാഹം, വിവാഹ മോചന കേസുകൾ, ജീവനാംശം, വയോജന-ബാല പീഡന കേസുകൾ
തുടങ്ങിയവക്കായിരിക്കും പ്രാമുഖ്യം നൽകുക. അതിനായി ഈ മേഖലയിൽ പ്രഗൽഭ്യമുള്ള അഭിഭാഷകരും,
ഫാമിലി കൗൺസിലർമാരും വിദഗ്ധരും നേതൃത്വം നൽകും.

കൂടാതെ, കഴിഞ്ഞ വർഷങ്ങളിൽ നടത്തിയതുപോലെ പ്രവാസികൾ നാട്ടിലും വിദേശത്തും അഭിമുഖീകരിക്കുന്ന
നിയമപ്രശ്നങ്ങൾക്കും നീതി മേളയിലൂടെപരിഹാര നിർദേശങ്ങൾ ലഭ്യമാവും. അവശ്യ ഘട്ടങ്ങളിൽ ബന്ധപ്പെട്ട
വകുപ്പുകളുമായി ഇടപെട്ടു പരിഹാരങ്ങൾക്കു വഴിയൊരുക്കുകയും ചെയ്യും. പാസ്പോർട് , എമ്പസിയുമായി ബന്ധപ്പെട്ട
വിഷയങ്ങൾ, വിസ, റിക്രൂട്മെന്റ് തട്ടിപ്പുകൾ, സാമ്പത്തിക ഇടപാടുകൾ സംബന്ധമായ തർക്കങ്ങൾ, നിക്ഷേപ തട്ടിപ്പുകൾ,
ബാങ്കിങ്, ക്രെഡിറ്റ് കാർഡ് തട്ടിപ്പുകൾ, വാഹന അപകട സംബന്ധമായി നിലനിൽക്കുന്ന പ്രശ്നങ്ങൾ ,സ്വത്തു സംബന്ധമായ
സ്വകാര്യ വ്യവഹാരങ്ങൾ, എന്നിവയിലും നാട്ടിലും മറുനാട്ടിലും നേരിടുന്ന മറ്റു ക്രിമിനൽ-സിവിൽ കേസുകളുമായി
ബന്ധപ്പെട്ട വിഷയങ്ങളിലും പ്രവാസികൾക്ക് നീതി മേളയിലൂടെ പരാതികൾ സമർപ്പിക്കാം.

താഴെ കാണുന്ന രജിസ്‌ട്രേഷൻ ലിങ്കിലൂടെയും, സൗകര്യാനുസരണം നേരിട്ടും പങ്കെടുത്ത്‌ ആവശ്യക്കാർക്ക്
നിയമസഹായവും, കൗൺസിലിംഗും നേടാം

🔗 രജിസ്ട്രേഷൻ : https://legal.mssgulf.org ഈ ലിങ്ക് ഉപയോഗിക്കുക.
📞 വിവരങ്ങൾക്ക്: 0547352524 ഫോൺ നമ്പറിൽ ബന്ധപ്പെടുക.

തീയതി: ഒക്ടോബർ 18,ഞായറാഴ്ച
⏰ സമയം: രാവിലെ 9:00 മുതൽ വൈകിട്ട് 6:00 വരെ
📍 സ്ഥലം: Pace British School, Rashidiya, Dubai (Free Shuttle Service from Metro by Bello Transport)