ദുബായ്: സുള്ള്യ കെ.വി.ജി എൻജിനീയറിങ് കോളേജ് പൂർവ വിദ്യാർത്ഥി സംഘടനയുടെ നേതൃത്വത്തിൽ ബാഡ്മിന്റൺ ടൂർണമെന്റ് സീസൺ-2 ജൂൺ 14ന് ദുബായിൽ സംഘടിപ്പിക്കും. പ്രവാസി പൂർവ വിദ്യാർത്ഥികളെയും കുടുംബാംഗങ്ങളെയും ഒരുമിപ്പിക്കുന്ന കായിക-സൗഹൃദ സംഗമമായാണ് പരിപാടി ഒരുക്കിയിരിക്കുന്നത്.
ദുബായ് റാഷിദിയയിലെ ബാറ്റിൽഡോർ സ്പോർട്സ് അക്കാദമിയിൽ ഞായറാഴ്ച ഉച്ചയ്ക്ക് ഒരു മണി മുതൽ മത്സരങ്ങൾ ആരംഭിക്കും. പുരുഷ വിഭാഗത്തിൽ ഡബിൾസ് ബാഡ്മിന്റൺ മത്സരങ്ങളും വനിതാ വിഭാഗത്തിൽ സിംഗിൾസ് മത്സരങ്ങളുമാണ് നടക്കുക.
ബാഡ്മിന്റൺ മത്സരങ്ങൾക്ക് പുറമെ കാരംസ് മത്സരങ്ങളും സംഘടിപ്പിച്ചിട്ടുണ്ട്. കുട്ടികൾക്കും കുടുംബങ്ങൾക്കുമായി വിവിധ വിനോദ പരിപാടികളും ഒരുക്കിയിട്ടുണ്ടെന്ന് സംഘാടകർ അറിയിച്ചു. പൂർവ വിദ്യാർത്ഥികൾക്കും അവരുടെ കുടുംബാംഗങ്ങൾക്കും സൗഹൃദം പുതുക്കുന്നതിനും കൂട്ടായ്മ ശക്തിപ്പെടുത്തുന്നതിനുമുള്ള വേദിയായിരിക്കും പരിപാടിയെന്ന് സംഘാടകർ വ്യക്തമാക്കി.
റേഡിയോ കേരളം 1476 എ.എം സീനിയർ എഡിറ്റർ റോയ് റാഫേൽ മുഖ്യാതിഥിയായി ചടങ്ങിൽ പങ്കെടുക്കും. കായിക മത്സരങ്ങൾക്കൊപ്പം വിവിധ കലാപരിപാടികളും സമ്മാനദാന ചടങ്ങും നടക്കും.
പരിപാടിയിൽ പങ്കെടുക്കുന്നതിനും രജിസ്ട്രേഷൻ സംബന്ധിച്ച കൂടുതൽ വിവരങ്ങൾക്കും ജനറൽ കൺവീനർ നൗഫലിനെ 055 936 3298 എന്ന നമ്പറിൽ ബന്ധപ്പെടാവുന്നതാണ്.
