മുന്‍ പ്രവാസി , എഴുത്തുകാരന്‍ പ്രൊഫ. കെ കെ അബ്ദുല്‍ ഗഫാര്‍ അന്തരിച്ചു ; ഖബറടക്കം തിങ്കളാഴ്ച കാസര്‍ഗോഡ്

കാസറഗോഡ് :പ്രമുഖ സാങ്കേതിക വിദ്യാഭ്യാസ വിദഗ്ധനും കൺസൾട്ടന്റ് എൻജിനീയറും എഴുത്തുകാരനും മുൻ പ്രവാസിയും
നുഖൈയിം ഹോൾഡിങ്ങ് മാനേജിങ് ഡയറക്ടർ ഡോ. ഷാജിർ ഗഫാറിന്റെ പിതാവു മായ
പ്രൊഫ. കെ കെ അബ്ദുൽ ഗഫാർ(88) അന്തരിച്ചു

1937 നവംമ്പർ-14 കാസർകോട് ജില്ലയിലെ ചൗക്കിയെന്ന ഗ്രാമത്തിൽ ജനനിച്ച പ്രഫസർ
കാസർകോട് കുഡ്ലു പ്രൈമറി സ്‌കൂൾ, ബി.ഇ.എം. ഹൈസ്‌കൂൾ, മംഗലാപുരം സെന്റ് അലോഷ്യസ് കോളേജ്, തിരുവനന്തപുരം ഗവ. എൻജിനീയറിങ് കോളേജ് എന്നിവിടങ്ങളിലായിരുന്നു വിദ്യാ​ഭ്യാസം.
കൊല്ലം ടി.കെ.എം. കോളേജ്, കോഴിക്കോട് ആർ.ഇ.സി. എന്നിവിടങ്ങളിൽ അധ്യാപകനായും ഭട്കൽ എൻജിനീയറിങ് കോളേജ് പ്രിൻസിപ്പലായും
അജ്മാൻ ഗൾഫ് മെഡിക്കൽ കോളേജിന്റെ സ്ഥാപകനും അഡ്മിനിസ്ട്രേഷൻ ഡയറക്ടറുമായിരുന്നു.
സൗദി അറേബ്യയിലെ അരാംകോ പെട്രോളിയം കമ്പനിയിൽ എൻജിനീയ​റായും
യമനിലെ ഏഡനിൽ
വിദ്യാഭ്യാസ പുരോഗതിക്കായി പ്രവർത്തിച്ച ഇന്ത്യൻ സംഘത്തിൽ അംഗ​മായും പ്രവർത്തിച്ചിട്ടുണ്ട്.

അടിയന്തരാവസ്ഥക്കാലത്ത് കേരളത്തെ പിടിച്ചുകുലുക്കിയ രാജൻ കേസിലെ സാക്ഷികളിൽ ഒരാളായിരുന്ന പ്രഫസറുടെ ജീവ ചരിത്ര പുസ്‌തകം “ഞാൻ സാക്ഷി” ഇന്ത്യൻ ക്രികറ്റ് മുൻ ക്യാപ്‌റ്റൻ എം എസ് ധോണി യായിരുന്നു പ്രകാശനം നിർവ്വഹി ച്ചിരുന്നത്
ഭാര്യ: ജമീല ശംനാട്. മക്കൾ: ഡോ. ഷാജിർ ഗഫാർ, ഫരീദ ഗഫാർ, ഡോ. ജമാലുന്നിസ ഗഫാർ,
എൻജി. ഷഹനാസ് ഗഫാർ
മയ്യിത്ത് നാളെ കാസർകോട് ചൗക്കി കുന്നിൽ രിഫാഹി മസ്ജിദിൽ ഉച്ചക്ക് 12 മണിക്ക്
കബറടക്കം നടക്കും