റാസൽ ഖൈമയിൽ 80-ാം ഇന്ത്യൻ സ്വാതന്ത്ര്യദിനാഘോഷം സമുചിതമായി സംഘടിപ്പിച്ചു. ഇന്ത്യൻ കോൺസുൽ ശ്രീ. ബി. ജി. കൃഷ്ണൻ ദേശീയപതാക ഉയർത്തുകയും, തുടർന്ന് ബഹുമാനപ്പെട്ട ഇന്ത്യൻ രാഷ്ട്രപതിയുടെ സ്വാതന്ത്ര്യദിന സന്ദേശം വായിക്കുകയും ചെയ്തു.
റാസൽ ഖൈമ: ഡോ. നിഷാം നൂറുദ്ദീൻ ചടങ്ങിൽ അധ്യക്ഷത വഹിച്ചു. റാസൽ ഖൈമയിലെ വിവിധ രാഷ്ട്രീയ, സാമൂഹിക, സാംസ്കാരിക സംഘടനകളുടെ പ്രതിനിധികളും പ്രവർത്തകരും ചടങ്ങിൽ സന്നിഹിതരായി.
ആഘോഷത്തിന്റെ ഭാഗമായി അനു ബാൽനാരായണന്റെയും സുപ്രിയ ഘോഷിന്റെയും നേതൃത്വത്തിൽ കുട്ടികളുടെ മനോഹരമായ കലാപരിപാടികളും വന്ദേ മാതരം ആലാപനവും അരങ്ങേറി. കുട്ടികളുടെ കലാപരിപാടികൾ ചടങ്ങിന് കൂടുതൽ ആവേശവും നിറവും പകർന്നു.
ഐ. ആർ. സി. ജോയിന്റ് സെക്രട്ടറി മോഹൻ പങ്കത്ത്, അഡ്മിൻ ഓഫീസർ പത്മരാജ് എന്നിവർ ചടങ്ങിന്റെ ഏകോപനത്തിന് നേതൃത്വം നൽകി. ട്രഷറർ ഡോ. കെ. എം. മാത്യു നന്ദി രേഖപ്പെടുത്തി.
ദേശസ്നേഹവും ഐക്യവും വിളിച്ചോതിയ ഈ സ്വാതന്ത്ര്യദിനാഘോഷം ഏവരുടെയും സജീവ പങ്കാളിത്തത്തോടെ ശ്രദ്ധേയമായി.
