ദുബായ് : ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) റാസ് അൽ ഖോർ റോഡിലും അൽ ഖൈൽ റോഡിലും പുതിയ ലെയിനുകൾ കൂട്ടിച്ചേർക്കുകയും പ്രവേശന-പുറത്തുകടക്കൽ മാർഗങ്ങൾ നവീകരിക്കുകയും ചെയ്തു. ഇതോടെ ഈ റോഡുകളിലെ ഗതാഗത കാര്യക്ഷമത 20 ശതമാനം വർധിച്ചതായി ആർടിഎ അറിയിച്ചു.
റാസ് അൽ ഖോർ റോഡിൽ ഫിനാൻഷ്യൽ സെന്റർ സ്ട്രീറ്റിൽ നിന്ന് അൽ ഖൈൽ റോഡിലേക്കുള്ള ഭാഗത്ത് ഒരു പുതിയ ലെയിൻ കൂടി ചേർത്തതോടെ റോഡിന്റെ ശേഷി 33 ശതമാനം ഉയർന്നു. അൽ ഖൈൽ റോഡിൽ അബുദാബി ഭാഗത്തേക്കുള്ള ഒരു കിലോമീറ്റർ നീളമുള്ള പുതിയ ലെയിനും തുറന്നു. തിരക്കേറിയ സമയങ്ങളിലെ യാത്രാസമയം 20 ശതമാനം വരെ കുറയുമെന്നാണ് ആർടിഎയുടെ വിലയിരുത്തൽ.
