ഇന്ത്യൻ ക്രിക്കറ്റ് താരം സഞ്ജു സാംസണിനെ ബ്രാൻഡ് അംബാസഡറായി പ്രഖ്യാപിച്ച് അൽ അൻസാരി എക്സ്ചേഞ്ച്

ഒരു വർഷത്തെ പങ്കാളിത്തത്തിലൂടെ പരസ്യ ക്യാമ്പെയ്‌നുകൾ, മാർക്കറ്റിംഗ് പ്രവർത്തനങ്ങൾ, ഉപഭോക്തൃ ഇടപെടൽ പദ്ധതികൾ എന്നിവയിൽ സഞ്ജു സാംസൺ പങ്കെടുക്കും

29 ജൂലൈ 2026 | ദുബായ്, യു.എ.ഇ

യു.എ.ഇയിലെ പ്രമുഖ റമിറ്റൻസ്, വിദേശ കറൻസി വിനിമയ സ്ഥാപനവും, Al Ansari Financial Services PJSC  യുടെ അനുബന്ധ സ്ഥാപനവുമായ അൽ അൻസാരി എക്സ്ചേഞ്ച്, ഇന്ത്യൻ ദേശീയ ക്രിക്കറ്റ് താരം സഞ്ജു സാംസണെ ബ്രാൻഡ് അംബാസഡറായി പ്രഖ്യാപിച്ചു.

ഇന്ത്യയിലെ ഏറ്റവും ശ്രദ്ധേയരായ ക്രിക്കറ്റ് താരങ്ങളിൽ ഒരാളെയും, ആറു പതിറ്റാണ്ടിലേറെയായി യു.എ.ഇയിലെ ഉപഭോക്താക്കൾക്ക് വിശ്വസ്ത സേവനം നൽകുന്ന ധനകാര്യ സേവന ബ്രാൻഡിനെയും ഒരുമിപ്പിക്കുന്നതാണ് ഈ പങ്കാളിത്തം. ഇതിന്റെ ഭാഗമായി പരസ്യ ക്യാമ്പെയ്‌നുകൾ, ഡിജിറ്റൽ ഉള്ളടക്കങ്ങൾ, പൊതുപരിപാടികൾ, ഉപഭോക്തൃ ഇടപെടൽ പ്രവർത്തനങ്ങൾ എന്നിവയിൽ സഞ്ജു സാംസൺ അൽ അൻസാരി എക്സ്ചേഞ്ചിനെ പ്രതിനിധീകരിക്കും.

ഇന്ത്യ, യു.എ.ഇ, മറ്റ് അന്താരാഷ്ട്ര വിപണികൾ എന്നിവിടങ്ങളിലെ വൻ ക്രിക്കറ്റ് ആരാധക പിന്തുണയുള്ള സഞ്ജു സാംസൺ, ഉപഭോക്താക്കളുമായുള്ള അൽ അൻസാരി എക്സ്ചേഞ്ചിന്റെ ബന്ധം കൂടുതൽ ശക്തിപ്പെടുത്തുന്നതിനും വിശ്വാസം, മികവ്, പുതുമ എന്നീ സ്ഥാപനത്തിന്റെ മൂല്യങ്ങൾ കൂടുതൽ വ്യാപകമായി എത്തിക്കുന്നതിനും പിന്തുണ നൽകും.

വിശ്വാസം, മികവ്, ഉപഭോക്തൃ കേന്ദ്രീകൃത സേവനം എന്നീ സ്ഥാപനത്തിന്റെ അടിസ്ഥാന മൂല്യങ്ങൾ പ്രതിഫലിപ്പിക്കുന്ന വ്യക്തികളുമായി സഹകരിച്ച്, സേവനം നൽകുന്ന സമൂഹങ്ങളുമായി കൂടുതൽ അർത്ഥവത്തായ ബന്ധം സ്ഥാപിക്കാനുള്ള അൽ അൻസാരി എക്സ്ചേഞ്ചിന്റെ തുടർച്ചയായ പ്രതിബദ്ധതയുടെ ഭാഗമാണ് ഈ പങ്കാളിത്തം.

പങ്കാളിത്തത്തെക്കുറിച്ച് Al Ansari Financial Services-ന്റെ ഗ്രൂപ്പ് ചീഫ് എക്സിക്യൂട്ടീവ് ഓഫീസർ റാഷിദ് എ. അൽ അൻസാരി പറഞ്ഞു:

“സഞ്ജു സാംസണെ അൽ അൻസാരി എക്സ്ചേഞ്ചിന്റെ ബ്രാൻഡ് അംബാസഡറായി സ്വാഗതം ചെയ്യുന്നതിൽ ഞങ്ങൾക്ക് അതിയായ സന്തോഷമുണ്ട്. അദ്ദേഹത്തിന്റെ കഴിവും പ്രൊഫഷണലിസവും മികവിനോടുള്ള പ്രതിബദ്ധതയും ലോകമെമ്പാടുമുള്ള ക്രിക്കറ്റ് ആരാധകരുടെ ആദരവ് നേടിയിട്ടുണ്ട്. കഴിഞ്ഞ ആറു പതിറ്റാണ്ടിലേറെയായി ഞങ്ങളുടെ സ്ഥാപനത്തെ നയിച്ചുവരുന്ന മൂല്യങ്ങളുമായി ഈ ഗുണങ്ങൾ ഏറെ സാമ്യമുള്ളവയാണ്.”

അദ്ദേഹം കൂട്ടിച്ചേർത്തു:

“യു.എ.ഇയിലും മേഖലയിലുടനീളമുള്ള വലിയ ക്രിക്കറ്റ് ആരാധക സമൂഹവുമായി കൂടുതൽ അടുത്ത ബന്ധം സ്ഥാപിക്കാനും, ഉപഭോക്താക്കളുമായി അർത്ഥവത്തായ ആശയവിനിമയം സൃഷ്ടിക്കാനും ഈ പങ്കാളിത്തം സഹായിക്കും. സഞ്ജുവിനൊപ്പം നിരവധി ശ്രദ്ധേയമായ ക്യാമ്പെയ്‌നുകൾ നടപ്പാക്കാൻ ഞങ്ങൾ ആകാംക്ഷയോടെ കാത്തിരിക്കുകയാണ്.”

സഞ്ജു സാംസൺ പറഞ്ഞു:

“വർഷങ്ങളായി വിശ്വാസത്തിന്റെയും മികച്ച സേവനത്തിന്റെയും പേരിൽ പ്രശസ്തി നേടിയ അൽ അൻസാരി എക്സ്ചേഞ്ചിന്റെ ബ്രാൻഡ് അംബാസഡറാകുന്നതിൽ എനിക്ക് അഭിമാനമുണ്ട്. ലോകമെമ്പാടുമുള്ള ദശലക്ഷക്കണക്കിന് ആളുകൾക്ക് സ്വന്തം കുടുംബത്തിലേക്ക് പണം അയക്കുന്നത് ഒരു സാമ്പത്തിക ഇടപാട് മാത്രമല്ല, കുടുംബങ്ങളെയും സമൂഹങ്ങളെയും ബന്ധിപ്പിക്കുന്ന ആത്മബന്ധത്തിന്റെ ഭാഗമാണ്.”

അദ്ദേഹം തുടർന്നു:

“ഈ ബ്രാൻഡിനെ പ്രതിനിധീകരിക്കാനും, മേഖലയിലുടനീളമുള്ള ഉപഭോക്താക്കളുമായും ക്രിക്കറ്റ് ആരാധകരുമായും കൂടുതൽ അടുത്ത ബന്ധം സൃഷ്ടിക്കുന്ന പ്രവർത്തനങ്ങളിൽ അൽ അൻസാരി എക്സ്ചേഞ്ച് ടീമിനൊപ്പം പ്രവർത്തിക്കാനും ഞാൻ ആകാംക്ഷയോടെ കാത്തിരിക്കുകയാണ്.”

ദുബായിലെ Al Ansari Financial Services ആസ്ഥാനത്ത് നടന്ന ചടങ്ങിലാണ് പങ്കാളിത്ത കരാറിൽ ഒപ്പുവെച്ചത്. ചടങ്ങിൽ Al Ansari Financial Services, Al Ansari Exchange എന്നിവയുടെ മുതിർന്ന നേതൃത്വ പ്രതിനിധികളും സഞ്ജു സാംസണിന്റെ മാനേജ്മെന്റ് ടീമിലെ അംഗങ്ങളും പങ്കെടുത്തു.

അടുത്ത ഒരു വർഷക്കാലം, അൽ അൻസാരി എക്സ്ചേഞ്ചിന്റെ ഭൗതിക ശാഖകളിലും ഡിജിറ്റൽ പ്ലാറ്റ്ഫോമുകളിലുമായി നടപ്പിലാക്കുന്ന വിവിധ ബ്രാൻഡ് ക്യാമ്പെയ്‌നുകളിലും ഉപഭോക്തൃ ഇടപെടൽ പ്രവർത്തനങ്ങളിലുമായി സഞ്ജു സാംസൺ സജീവമായി പങ്കെടുക്കും.