അജ്മാന്‍ ടൂറിസം വകുപ്പുമായി ചേര്‍ന്ന് നോര്‍ത്ത് ഗേറ്റ് ബ്രിട്ടീഷ് സ്‌കൂള്‍ കണ്ടല് ചെടികള്‍ നട്ടു.
അജ്മാന്‍: യുഎഇ സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ഹിസ് ഹൈനസ് ഷെയ്ഖ് ഹുമൈദ് ബിന്‍ റാഷിദ് അല്‍ നുഐമിയുടെ അധികാരാരോഹണം പരിസ്ഥിതി സൗഹാര്‍ദമായി ആഘോഷിച്ച് വിദ്യാര്‍ത്ഥികള്‍. അജ്്മാന്‍ ഡിപ്പാര്‍ട്ട്‌മെന്റ് ഓഫ് ടൂറിസം കള്‍ച്ചറല്‍ ആന്‍ഡ് മീഡിയുമായി സഹകരിച്ച് നോര്‍ത്ത് ഗേറ്റ് ബ്രിട്ടീഷ് സ്‌കൂളിലെ 26 വിദ്യാര്‍ത്ഥികളാണ് 45 കണ്ടല്‍ച്ചെടികള്‍ നട്ടത്. അജ്മാന്റെ 45 വര്‍ഷത്തെ വളര്‍ച്ചയെയും പുരോഗതിയെയും പ്രതിനിധീകരിക്കുന്നതാണിത്.
അല്‍ സോറ ബീച്ചില്‍ ബുധനാഴ്ച രാവിലെയായിരുന്നു പരിപാടി. സെപ്തംബര്‍ 27 ലെ അന്താരാഷ്ട്ര ടൂറിസം ദിനത്തോട് കൂടെ അനുബന്ധിച്ചാണ് പരിപാടി സംഘടിപ്പിച്ചത്. പരിസ്ഥിതി സംരക്ഷണത്തിന്റെ പ്രാധാന്യം വിദ്യര്‍ത്ഥികള്‍ക്ക് മനസിലാക്കി നല്‍കുന്നതിനൊപ്പം അവരുടെ പങ്കാളിത്തം കൂടെ ഉറപ്പാക്കുകയായിരുന്നു പരിപാടിയുടെ ലക്ഷ്യം. യുഎഇയുടെ പ്രകൃതി സമ്പത്ത് സംരക്ഷിക്കുന്നതിലും വിദ്യാര്‍ത്ഥികളില്‍ പരിസ്ഥിതി ബോധം വളര്‍ത്തുന്നതിലും നോര്‍ത്ത് ഗേറ്റ് ബ്രിട്ടീഷ് സ്‌കൂള്‍ തുടര്‍ന്ന് വരുന്ന പ്രവര്‍ത്തനങ്ങളുടെ ഭാഗമായിട്ട് കൂടെയാണ് പരിപാടി സംഘടിപ്പിച്ചത്.
