ഇന്ത്യൻ കോൺസുൽ ജനറൽ ഡോ. ഇ. വിഷ്ണു വർദ്ധൻ റെഡ്ഢി ഉദ്ഘാടനം ചെയ്തു; ബാഷോ ബുക്സുമായി സഹകരിച്ച് മൂന്ന് പുതിയ പുസ്തകങ്ങൾ മേളയിൽ.
ഷാർജ — ഷാർജ രാജ്യാന്തര പുസ്തകോത്സവത്തിലെ അക്കാഫ് ഇവന്റ്സ് ബുക്ക് സ്റ്റാൾ ഔദ്യോഗികമായി പ്രവർത്തനമാരംഭിച്ചു. ബാഷോ ബുക്സുമായി സഹകരിച്ച് സ്റ്റാൾ നമ്പർ ZD-4 ൽ സജ്ജീകരിച്ചിട്ടുള്ള പുസ്തകശാല ഇന്ത്യൻ കോൺസുൽ ജനറൽ ഡോ. ഇ. വിഷ്ണു വർദ്ധൻ റെഡ്ഢി ഉദ്ഘാടനം ചെയ്തു.
ചടങ്ങിൽ അക്കാഫ് പ്രസിഡന്റ് ചാൾസ് പോൾ അധ്യക്ഷത വഹിച്ചു. ജനറൽ സെക്രട്ടറി വി. എസ്. ബിജുകുമാർ സ്വാഗതവും ഷാർജ ഇന്ത്യൻ അസോസിയേഷൻ സെക്രട്ടറി വൈ. എ. റഹീം ആശംസയും നേർന്നു. ഈ വർഷം അക്കാഫ് പ്രസിദ്ധീകരിച്ച മൂന്ന് പുസ്തകങ്ങൾ സ്റ്റാളിൽ വായനക്കാർക്കായി ലഭ്യമാക്കിയിട്ടുണ്ട്.
ബാഷോ ബുക്സ് പ്രതിനിധി അർഷാദ് ബത്തേരി, അക്കാഫ് ലിറ്റററി സെക്രട്ടറി അജിത് കണ്ടല്ലൂർ, ചെയർമാൻ ഷാഹുൽ ഹമീദ്, ഭാരവാഹികളായ ജൂഢിൻ ഫെർണണ്ടസ്, ചാക്കോ ഊളക്കാടൻ, വി. സി. മനോജ്‌, മനോജ്‌ കെ. വി., രഞ്ജിത് കോടോത്ത്, ഹാഷിക് തൈക്കണ്ടി, ഷിബു മുഹമ്മദ്‌, അജിത് വള്ളോലി, ശ്രീകുമാർ എന്നിവർ ചടങ്ങിൽ സന്നിഹിതരായിരുന്നു.
വനിതാ വിഭാഗത്തെ പ്രതിനിധീകരിച്ച് റാണി സുധീർ, വിദ്യ പുത്തുശ്ശേരി, രശ്മി ഐസക്, ദീപിക സുജിത്, മഞ്ജു ശ്രീകുമാർ, സജ്‌ന അബ്ദുള്ള എന്നിവരും പങ്കെടുത്തു.
