തിരുവനന്തപുരം: കേരള നിയമസഭാ തിരഞ്ഞെടുപ്പ് ഏപ്രിൽ 9ന് നടക്കും. എല്ലാ സംസ്ഥാനങ്ങളിലേയും വോട്ടെണ്ണൽ മേയ് 4ന് നടത്തുമെന്ന് തിരഞ്ഞെടുപ്പ് കമ്മിഷൻ അറിയിച്ചു. പുതുച്ചേരിയും അസവും കേരളത്തിനൊപ്പം ഏപ്രിൽ 9നാണ് വോട്ടെടുപ്പ്.
തിരഞ്ഞെടുപ്പ് പ്രഖ്യാപനത്തോടൊപ്പം രാജ്യത്ത് പെരുമാറ്റച്ചട്ടം നിലവിൽ വന്നു. തമിഴ്നാട്ടിൽ ഏപ്രിൽ 23നാണ് വോട്ടെടുപ്പ് നടക്കുക. പശ്ചിമബംഗാളിൽ രണ്ട് ഘട്ടങ്ങളിലായി ഏപ്രിൽ 23നും 29നും വോട്ടെടുപ്പ് നടക്കും. എല്ലാ സംസ്ഥാനങ്ങളിലേയും ഫലപ്രഖ്യാപനം മേയ് 4നാണ്.
ഇതോടൊപ്പം വിവിധ സംസ്ഥാനങ്ങളിലെ എട്ട് നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പുകളും നടക്കും.
തിരഞ്ഞെടുപ്പ് പ്രഖ്യാപിച്ചതോടെ കേരളത്തിൽ രാഷ്ട്രീയ പാർട്ടികൾ സ്ഥാനാർഥി പ്രഖ്യാപനവും പ്രചാരണ പരിപാടികളും ശക്തമാക്കാനാണ് ഒരുങ്ങുന്നത്.
English Summary: Kerala Assembly Election 2026 will be held on April 9 and votes will be counted on May 4, the Election Commission announced along with the schedule for other states.
