ദുബായ് :രാജ്യാന്തര എയർലൈൻ എമിറേറ്റ്സിന്റെ തിരുവനന്തപുരം–ദുബായ് സർവീസ് 20 വർഷം പൂർത്തിയാക്കി. ആഘോഷച്ചടങ്ങിൽ കേരള മുഖ്യമന്ത്രി പിണറായി വിജയൻ, എമിറേറ്റ്സ് ഇന്ത്യ ആൻഡ് നേപ്പാൾ വൈസ് പ്രസിഡന്റ് മുഹമ്മദ് സർഹാൻ തുടങ്ങിയവർ പങ്കെടുത്തു.2006–ൽ പ്രവർത്തനം തുടങ്ങിയ എമിറേറ്റ്സിന്റെ തിരുവനന്തപുരം–ദുബായ് സർവീസ് ഇതിനകം 19,000 ൽ ഏറെ ഫ്ലൈറ്റുകളിലായി 46 ലക്ഷം യാത്രക്കാർ പ്രയോജനപ്പെടുത്തിയതായും എമിറേറ്റ്സ് സ്കൈ കാർഗോ തിരുവനന്തപുരത്തുനിന്ന് 2019 മുതൽ 34,000 ടണ്ണിലേറെ ചരക്കുകൾ കൈകാര്യം ചെയ്തതായും അധികൃതർ അറിയിച്ചു. 40 വർഷം മുൻപ് പ്രവർത്തനമാരംഭിച്ച എമിറേറ്റ്സിന് ഇന്ന് 6 ഭൂഖണ്ഡങ്ങളിലെ 150–ൽ ഏറെ നഗരങ്ങളിൽ സാന്നിധ്യമുണ്ട്.
