ദുബായ്: സാമ്പത്തിക വിദ്യാഭ്യാസവും ട്രേഡിംഗ് സേവനങ്ങളും നൽകുന്ന Mithuns Money Market (MMM) ദുബായിലെ അൽ ഖുസൈസ് ഇൻഡസ്ട്രിയൽ ഏരിയ 1-ലെ ബിൻ ഷബീബ് മാളിൽ അഞ്ചാമത്തെ ശാഖ ഉദ്ഘാടനം ചെയ്തു.
വിരമിച്ച മേജർ ഒമർ അൽമർസൂഖിയും എസ്.പി. ജെയിൻ സ്കൂൾ ഓഫ് ഗ്ലോബൽ മാനേജ്മെന്റിലെ ഡീനും പ്രൊഫസറുമായ ഡോ. ഗാരി സ്റ്റോക്ക്പോർട്ടും ചടങ്ങിൽ മുഖ്യാതിഥികളായിരുന്നു. എം.എം.എം സ്ഥാപകനും സി.ഇ.ഒയുമായ മിഥുൻ ഗിരീഷൻ ഉൾപ്പെടെ നിരവധി പ്രമുഖർ പങ്കെടുത്തു.
ശാഖാ ഉദ്ഘാടനത്തോടനുബന്ധിച്ച് സാമ്പത്തിക ബുദ്ധിമുട്ടുകൾ നേരിടുന്ന വിദ്യാർത്ഥികൾക്ക് വിദ്യാഭ്യാസ സഹായം നൽകുന്നതിനായി EduBridge Scholarship Program എന്ന സി.എസ്.ആർ പദ്ധതിയും ആരംഭിച്ചു. പദ്ധതിയുടെ ഭാഗമായി 10 ലക്ഷം രൂപയുടെ സ്കോളർഷിപ്പ് ഫണ്ട് രൂപീകരിച്ച്, 10 വിദ്യാർത്ഥികൾക്ക് ഒരു ലക്ഷം രൂപ വീതം ധനസഹായം നൽകി.
ട്രേഡിംഗ്, സാമ്പത്തിക സാക്ഷരത എന്നിവയെക്കുറിച്ചുള്ള സൗജന്യ വാരാന്ത്യ പരിശീലന ക്ലാസുകളും പുതിയ ശാഖയിൽ സംഘടിപ്പിക്കുമെന്ന് അധികൃതർ അറിയിച്ചു. യു.എ.ഇയിലുടനീളം സാമ്പത്തിക വിദ്യാഭ്യാസവും സമൂഹ ശാക്തീകരണവും കൂടുതൽ വ്യാപിപ്പിക്കാനുള്ള പ്രതിബദ്ധതയുടെ ഭാഗമായാണ് പുതിയ ശാഖയുടെ പ്രവർത്തനം.
